Тексты
Вернуться к просмотру
| Вернуться к списку
Tänäpäi
История изменений
08 августа 2023 в 13:13
Нина Шибанова
- создал(а) текст
- создал(а) текст: Paras päivy – tänäpäi
Sendäh, ku on nygöi,
Sendäh, ku on vastevai,
Tuoreh, nuori, hyvä.
Eglästy et muutalda,
Lienne mieli muuttuu.
Uvvessah et puutalda,
Mi jo kiini puutui.
Huomistu et näe sie,
Hosgi ylen pidäs
Midä roinnou huomei vie,
Et vie tiijä sidä.
Joga päivy egläine
Täkse päiviä muuttuu,
Buite mustu kegäleh
Andau tuldu uuttu.
Paras päivy tänäpäi
Huomei tulou kädeh,
Toiči vilu on kui jiä,
Toiči rodieu ägei.
Päivyrukat kuldazet
Tuvvah, ruatah, laitah,
Jiädäheze mustoh net,
A gu kelle päitäh.
Hyvät päivät – luadijat,
Pahat päivät – raškat,
Hyväs mieles – ruadajat,
Pahas mieles – laškat.
Viertäh, mennäh, lennetäh
Toine toizen peräh,
Jogahizel vuoro on,
Tungevu et edeh.
Yhteh palah kerrytäh,
Yhteh tieh mennäh,
Joga päiviä eloksen
Buite lyhyön elät.
Päivy paras – tänäpäi,
Uuzi, suuri, valgei,
Omal mielel avua se,
Luo omal käel.