Тексты

Вернуться к просмотру | Вернуться к списку

Jumalan suudo on oigei

История изменений

09 августа 2023 в 10:44 Нина Шибанова

• создал(а) текст
• создал(а) перевод текста
• создал(а) текст: ¹ Sikse nimil et voi puolistua iččie sinä, ristikanzu, kudai suudit toizii, ole sinä kentahto.^ Mis sinä suudit tostu, sit suudit iččiegi, sikse gu sinä, toizien suudii, ruat juuri sidä. ² Myö tiijämmö, Jumalan suudo niilöile, ket luajitah nengostu, on oigei. ³ Smietitgo, sinä voit vältyö Jumalan suvvos, gu iče luajit mostu, mis suudit toizii? ⁴ Vai paheksit sinä Jumalan suurdu hyvytty da tirpandua?^ Etgo ellendä, kui Jumalan hyvys vedäy sinuu kiändymäh iäre riähkispäi? ⁵ No sinä olet kovasydämelline, etgo tahto kiändyö.^ Nenga sinä suitat vihua iččeh niškoi, i se viha tulou sinun piäle Jumalan vihan päivänny, konzu tulou Hänen oigei suudo. ⁶ Sit Jumal maksau jogahizele hänen ruadoloi myö. ⁷ Ket väzymättäh hyviä ruadajen ečitäh taivahallistu valgiedu, kunnivuo da kaduomattomuttu, niilöile Jumal andau ilmanigäzen elaijan, ⁸ a ket duumaijah vai iččie da toven sijas kuunnellah viärytty, net nähtäh Hänen viha da taba. ⁹ Tusku da ahtistus rodieu jogahizele, kudai luadiu pahua, enzimäi jevreile, a sit gretsieläzele. ¹⁰ Taivahalline valgei, kunnivo da rauhus rodieu jogahizele, kudai luadiu hyviä, enzimäi jevreile, a sit gretsieläzele,| ¹¹ vet Jumal ei eroittele rahvahii. ¹² Kudamat luajittih riähkiä Zakonua tiedämättäh, niilöi Zakonah kaččomattah hävitetähgi. A kudamat tiettih Zakon da luajittih riähkiä, niilöi suuditah Zakonan mugah. ¹³ Ei net olla oigiet Jumalan ies, kudamat vai korvil kuunnellah Zakonan sanoi, a oigiekse pannah niilöi, kudamat eletäh Zakonua myö. ¹⁴ Netgi Jumalua tundemattomat rahvahat, kudamil ei ole Zakonua, omua iččie myö luajitah muga, kui käsköy Zakon.^ Hos heil ei ole Zakonua, no hyö ollah iče ičele Zakonannu. ¹⁵ Sil hyö ozutetah, Zakonan käskyt on kirjutettu heijän sydämih.^ Sen sanou tovekse i heijän hengi, gu heijän mielet libo viäritetäh libo puolistetah heidy. ¹⁶ Tämä kai tulou nägevih senny päivänny, konzu Jumal minun saneltun jevangelien mugah tuou ristikanzoin peittoaziet Hristosan Iisusan suudittavakse.