Тексты
Вернуться к просмотру | Вернуться к списку
Kačahtai Avraamah
История изменений
09 августа 2023 в 16:15 Нина Шибанова
- создал(а) текст
- создал(а) перевод текста
- создал(а) текст: 1 Midä myö voimmo sanuo Avraamas, meijän rahvahan kandutuatas?^ Midä rodih hänen ozakse? 2 Gu Avraamua liennou kačottu oigiekse hänen ruadoloi myö, häi voibi löyhkiä sil, no ei Jumalan ies. 3 Midä sanotah Pyhät Kirjutukset? «Avraam uskoi Jumalua, sikse Jumal kačoi händy oigiekse». 4 Ruadajale maksettuu palkua ei kačota lahjakse, häi on suannuh sen ruavol. 5 A ken ruadoloin vuoh ei eči oigiekse roindua, no uskou Jumalah, kudai luadiu jumalattoman oigiekse, sille hänen uskon Jumal panou oigiekse. 6 Sanouhäi Davidgi ozakkahakse mostu ristikanzua, kudaman Jumal panou oigiekse kaččomattah hänen ruadoloi. 7 – Ozakkahat ollah net, kudamien pahat ruavot on prostittu da kudamien riähkät on katettu. 8 Ozakas on se mies, kudamale Ižändy ei pane viäryökse hänen riähkiä. 9 Kuulutahgo sit nämä ozasanat yksile vai ymbärileikattuloile vai ymbärileikkuamattomilegi? Myöhäi sanommo: «Avraamale hänen usko oli pandu oigiekse». 10 No konzu se pandih? Oligo Avraam silloi ymbärileikattu vai ymbärileikkuamatoi? Ei olluh ymbärileikattu, häi oli vie ymbärileikkuamatoi. 11 I ymbärileikkuandumerkin häi sai oigieksekačondan pečatikse uskon täh, kudai hänel oli jo ymbärileikkuamattomannu. Tämä rodih, gu hänes rodies kaikkien niilöin tuatto, kudamat uskotah, da gu heidygi pandas oigiekse, hos hyö i ollah ymbärileikkuamattomat. 12 Nenga hänes rodih i ymbärileikattuloin tuatto, niilöin, kudamat ei vai olla ymbärileikatut, a vie astutah sidä uskon dorogua myöte, kudamua myöte astui meijän tuatto Avraam, konzu oli vie ymbärileikkuamatoi.