Тексты

Вернуться к просмотру | Вернуться к списку

Usko da Jumalan uskalmo

История изменений

09 августа 2023 в 17:06 Нина Шибанова

• изменил(а) текст
  ¹³ Jumal uskaldi Avraamale da hänen jälgeläzile kodivuitikse kogo muailman, ei sendäh, gu Avraam noudi Zakonua, a sendäh, gu Avraamua pandih oigiekse hänen uskon täh. ¹⁴ Kačo, gu kodivuitin suajat oldaneh vaiku net, kudamat pyzytäh Zakonas, sit usko on tyhjy dai uskalmo ei maksa nimidä. ¹⁵ Zakon tuou Jumalan vihan, sendäh gu rahvas mennäh sidä vastah.^ No gu ei olle Zakonua, ga ei ole ni sen vastah menendiä. ¹⁶ Uskalmo sendäh rodieu tovekse uskon kauti, gu se olis Jumalan lahjannu. Nenga uskalmo on luja da se kuuluu kaikile Avraaman jälgeläzile, a ei vai niilöile, kudamil on Zakon, no niilöilegi, kudamil on Avraaman usko. Avraam on meijän kaikkien tuatto, ¹⁷ kui on sanottu Pyhis Kirjutuksis: «Minä luajiin sinuu äijien rahvahien tuatakse». Häi on meijän tuatto Jumalan ies, kudamah häi uskoi i kudai luadiu kuolluot elävikse da olemattomat olijoikse. ¹⁸ Avraam nad՚eiččih, hos nad՚eijakseh ei ni suannus, da uskoi, hänes rodieu äijien rahvahien tuatto nämien sanoin mugah: «Nenga äijy rodieu sinun jälgelästy». ¹⁹ Hänen usko ei häilähtännyhes, hos häi, läs sadavuodine, tiezi: hänen miehenvägi on sammunuh dai Saran kohtu kuivanuh. ²⁰ Avraam ei olluh uskomatoi, a uskoi Jumalan uskalmoh i sai vägie omas uskos. Häi andoi kunnivon Jumalale ²¹ lujah uskojen, Jumal voibi luadie sen, min uskaldi. ²² Sendäh Jumal pani händy oigiekse. ²³ No yksikai nämä sanat «Jumal pani händy oigiekse» ei ole kirjutettu vai Avraamah niškoi, ²⁴ a ollah i meih niškoi. Jumal panou oigiekse meidygi, gu myö uskommo Häneh, kudai nostatti kuollielois meijän Ižändän Iisusan. ²⁵ Jumal andoi Hristosale kuolta meijän hairahtuksien täh, i nostatti Händy kuollielois, gu luadie meidy oigiekse.

09 августа 2023 в 16:38 Нина Шибанова

• создал(а) текст
• создал(а) перевод текста
• создал(а) текст: ¹³ Jumal uskaldi Avraamale da hänen jälgeläzile kodivuitikse kogo muailman, ei sendäh, gu Avraam noudi Zakonua, a sendäh, gu Avraamua pandih oigiekse hänen uskon täh. ¹⁴ Kačo, gu kodivuitin suajat oldaneh vaiku net, kudamat pyzytäh Zakonas, sit usko on tyhjy dai uskalmo ei maksa nimidä. ¹⁵ Zakon tuou Jumalan vihan, sendäh gu rahvas mennäh sidä vastah. No gu ei olle Zakonua, ga ei ole ni sen vastah menendiä. ¹⁶ Uskalmo sendäh rodieu tovekse uskon kauti, gu se olis Jumalan lahjannu. Nenga uskalmo on luja da se kuuluu kaikile Avraaman jälgeläzile, a ei vai niilöile, kudamil on Zakon, no niilöilegi, kudamil on Avraaman usko. Avraam on meijän kaikkien tuatto, ¹⁷ kui on sanottu Pyhis Kirjutuksis: «Minä luajiin sinuu äijien rahvahien tuatakse». Häi on meijän tuatto Jumalan ies, kudamah häi uskoi i kudai luadiu kuolluot elävikse da olemattomat olijoikse. ¹⁸ Avraam nad՚eiččih, hos nad՚eijakseh ei ni suannus, da uskoi, hänes rodieu äijien rahvahien tuatto nämien sanoin mugah: «Nenga äijy rodieu sinun jälgelästy». ¹⁹ Hänen usko ei häilähtännyhes, hos häi, läs sadavuodine, tiezi: hänen miehenvägi on sammunuh dai Saran kohtu kuivanuh. ²⁰ Avraam ei olluh uskomatoi, a uskoi Jumalan uskalmoh i sai vägie omas uskos. Häi andoi kunnivon Jumalale ²¹ lujah uskojen, Jumal voibi luadie sen, min uskaldi. ²² Sendäh Jumal pani händy oigiekse. ²³ No yksikai nämä sanat «Jumal pani händy oigiekse» ei ole kirjutettu vai Avraamah niškoi, ²⁴ a ollah i meih niškoi. Jumal panou oigiekse meidygi, gu myö uskommo Häneh, kudai nostatti kuollielois meijän Ižändän Iisusan. ²⁵ Jumal andoi Hristosale kuolta meijän hairahtuksien täh, i nostatti Händy kuollielois, gu luadie meidy oigiekse.