Тексты
Вернуться к просмотру | Вернуться к списку
Pidäy kuunnella valdoi
История изменений
15 августа 2023 в 12:06 Нина Шибанова
- создал(а) текст
- создал(а) перевод текста
- создал(а) текст: 1 Jogahizel pidäy heittyö meijän piäl olijoin valloin alle.^ Ei ole valdua, kudai ei tullus Jumalaspäi, kai mual olijat vallat ollah Jumalan pannuot. 2 Sendäh, ken vastustau valdoi, se nouzou Jumalan käskyy vastah, i ken luadiu muga, suau Jumalan suvvon. 3 Ken luadiu hyvin, sil ei pie varata vallanpidäjii, varata pidäy sil, kudai luadiu pahoi. Gu tahtonet eliä varuamattah valdua, luaji hyvin, i se sinuu kiittäy. 4 Valdu on Jumalan käskyläine, se ruadau sinun hyväkse. No ku luadinet pahoi, sit varua! Eihäi valdu tyhjäh kandele miekkua. Se on Jumalan käskyläine, kudaman kauti tazuandu tulou pahanluadijan piäle. 5 Sendäh pidäy heittyö valloile, ei vai tazuandan täh, a oman hengen täh. 6 Sendäh työ nalougoigi maksatto, vallathäi sluužitah Jumalale, konzu ruatah omua ruaduo. 7 Annakkua sit jogahizele se, mi hänele kuuluu: kelle pidäy nalougat, sille anduat nalougat, kelle maksut – sille maksut, kelle varavo – sille varavo, kelle kunnivo – sille kunnivo. 8 Älgiä olgua vellas nikelle nimil, vaiku toine toizen suvaičendal.^ Ken suvaiččou tostu, se on täyttänyh Zakonan käskyt. 9 Nämä käskyt «Älä magua vierahan akanke», «Älä tapa», «Älä varrasta», «Älä tahto nimidä vierastu» da kai muut käskyt ollah täs sanas: «Suvaiče lähimästy kui omua iččie». 10 Suvaičus ei luaji nimidä pahua lähimäzele. Sendäh, ken suvaiččou, se täyttäy kai Zakonan käskyt.