Тексты
Вернуться к просмотру | Вернуться к списку
Älä riko vellie
История изменений
16 августа 2023 в 16:01 Нина Шибанова
- создал(а) текст
- создал(а) перевод текста
- создал(а) текст: 13 Heitäkkiämmö sit toine toizen suudindu.^ Parembi kačokkua, gu etto suattas omua vellie öntästymäh da langiemah. 14 Ižändäh Iisussah uskojen minä lujah tiijän: ni mi ei ole ičessäh pagan dielo. Vai sille, ken pidäy midätahto paganannu, se on pagan. 15 No gu sinun velli paheldunnou sendäh, midä sinä syöt, sit sinä jo et rua suvaičuksen mugah. Älä syömizen täh riko vellie, kudaman täh kuoli Hristos. 16 Älgiä annakkua nagrua sidä, mi teijän mieles on hyvä. 17 Jumalan valdu ei ole syömine da juomine, se on oigei elos, rauhus da ilo Pyhäs Henges. 18 Ken nenga palvou Hristossua, se on mieldy myö Jumalale da on rahvahilgi počotas. 19 Ga ečikkiämmö sit sidä, mi on rauhuokse da toine toizen lujendamizekse. 20 Älä syömizen täh riko Jumalan ruaduo. Hos kai on puhtas, no paha on ristikanzale, gu häi omal syöndäl öntäsköittäy toizen. 21 Parembi on olla syömättäh lihua, juomattah viinua da vältelläkseh kaikkie mostu, min täh sinun velli öntästyy. 22 Sinul on oma usko täh niškoi. Pie se omas ičes Jumalan ies. Ozakas on se, ken ei soimua iččie sen täh, min kaččou oigiekse. 23 A se, ken arbailou da yksikai syöy, on suudittu, sendäh gu häi ei rua muga, ku käsköy hänen usko. Kai, midä ristikanzu luadiu omua uskuo vastah, on hänele riähky. 24 Kiitämmö Sidä, kudai voibi lujendua teidy uskos, kui sanou minun saneltu jevangelii, sanat Iisussah Hristossah näh, se avattu peittodielo, kudai ilmazen ijän oli salvas, 25 a nygöi on jiävitty, da kudai Jumalan iänenkandajien kirjutuksien kauti ilmanigäzen Jumalan käskys oli avattu kaikile rahvahile, gu kaikin uskottas Häneh da kuultas Hänen sana. 26 Jumalale, aino mieleväle, kunnivo Iisusan Hristosan kauti ilmazen ijän! Amin՚.