Тексты
Вернуться к просмотру | Вернуться к списку
Aprahamin uško
История изменений
22 августа 2023 в 10:14 Нина Шибанова
- создал(а) текст
- создал(а) перевод текста
- создал(а) текст: 1Mitä myö voimma šanuo Aprahamista, miän rahvahan kantatuatošta?^ Mitein hänellä kävi? 2Kun Aprahami lienöy kelvannun Jumalalla omien ruatojen tähen, hiän voit olla ylpienä, vain ei kuitenki Jumalan ieššä. 3Vet Pyhät Kirjutukšet šanotah näin: «Aprahami uško Jumalan lupaukšeh, ta šentäh hiän kelpasi Jumalalla». 4Ruatajalla makšetah palkka ruatojen mukah, eikä armošta. 5Kun kellä ei olle hyvie ruatoja, no hiän uškou Jumalah, niin šemmoni ihmini kelpuau Jumalalla ušon takie.^ Jumala še luatiu jumalattoman Ičelläh kelpuavakši. 6Tätä šamua pakajau čuari Tuavitta, konša šanou ošakkahakši šemmoista ihmistä, kumpani kelpuau Jumalalla ruatoloih kaččomatta. Hiän šanou näin: 7– Ošakkahat ollah ne, kenen pahat ruavot on prostittu ta kenen riähät on katettu. 8 Ošakaš on še ihmini, kumpasen riähkie Hospoti ei pie luvušša. 9 Onko tämä hyvä oša tarkotettu yksistäh laitaleikatuilla vain laitaleikkuamattomilla niise? Pyhistä Kirjutukšista myö lukima: «Aprahami kelpasi Jumalalla ušon takie». 10Konša še oli? Oliko Aprahami šilloin laitaleikattu? Ei ollun, hiän oli vielä laitaleikkuamatoin. 11 Kun hiän jälešti šai laitaleikkaukšen, še oli merkkinä šiitä, jotta jo ennein šitä Jumala hyväkšy hänet ušon tähen. Näin Aprahamista tuli kaikkien niijen tuatto, ket ušotah ta šentäh kelvatah Jumalalla, vaikka heitä ei ole laitaleikattu. 12Šamoin Aprahami on laitaleikattujenki tuatto, kun hyö aššuttanneh šitä ušon tietä, mitä miän tuatto Aprahami aštu, konša oli vielä laitaleikkuamatoin.