Тексты

Вернуться к просмотру | Вернуться к списку

Riähän vallašta pelaššukšeh

История изменений

22 августа 2023 в 14:08 Нина Шибанова

• создал(а) текст
• создал(а) перевод текста
• создал(а) текст: ¹⁵ Mitäpä nyt? Šuammako luatie riähkyä, kun kerran emmä elä Sakonan vallan alla, vain Jumalan armon alla? Emmä šuinki! ¹⁶ Työ tiijättä, jotta oletta šen isännän orjie, ketä oletta ruvennun tottelomah.^ Voitta olla riähän orjie, ka še viey kuolomah.^ Tahi voitta totella Jumalua, ta niin kelpuatta Hänellä. ¹⁷Työ olija riähän orjie.^ Ka Jumalalla passipo, jotta työ nyt täyveštä šytämeštä totteletta šitä opaššušta, mitä oletta šuanun. ¹⁸Oletta piäššyn riähän vallašta ta nyt oletta Hristossan vallan alla jotta ruatua šitä, mi on oikein. ¹⁹Mie pakajan täššä jokapäiväsen elämän kielellä, jotta voisija malttua milma. Ennein työ olija kaiken pakanan ta pahan käškyläisie, ta niin työ šaita aikah pahua.^ Antakkua nyt tiän runko oikien elämän käškyläisekši elämäh pyhyä elämyä. ²⁰ Konša olija riähän orjie, että voinun ruatua šitä, mi on oikein. ²¹Mitä hyötyö teilä šiitä oli? Šiitä tuli šemmoista, mi on nyt teilä huikieta.^ Tuommosen elämän loppuna on kuoloma. ²²A nyt työ oletta piäššyn riähän vallašta ta teistä tuli Jumalan käškyläisie.^ Työ elättä pyhyä elämyä ta lopukši šuatta ilmasenikusen elämän. ²³Riähän palkka on kuoloma, ka Jumala antau lahjakši ilmasenikusen elämän niillä, ken on Hristossašša Iisussašša, miän Hospotissa.