Тексты

Vetehisenpuu

26 сентября 2023 в 00:39 Nataly Krizhanovsky

создал(а) текст
создал(а) перевод текста
создал(а) текст: – Kertositko Vetehisenpuušta? – Vetehisenpuu on miun pihalla. Še on puu šiinä pitkä. Še kun on šiih kašvan muajilman aijan. Še vielä viisikymmentä vuotta tuakše päin, šiinä oli okšat kaikki märkie, vielä oltih havut ihan. A šiitä kun šuuret vejet noššettih, ni še pesi pois šieltä mullat alta ta ne jiätih juuret šiihe körhöttämäh muan pinnalla. Ja še vain šeisou šiinä, eikä še piäše kuatumah, eikä šinne eikä tänne, kun pität šillä juuret. Še kun šeisou ihan veješšä, ni šitä šanotah: še on Vetehisenpuu. Mie en anna šitä kuatua. Mie šanon, jotta: ”Šitä, pojat, että šua kuatua, šitä puuta”. Še kun on Vetehisenpuu, ni anna kašvau šiinä, šeisou, kuni ei happane iče. Še on kuivan kokonah. – Onko tarinoita vetehiseštä? – Niin meilä lapšilla pöläteltih, kun mänettä vain järvie kylpömäh, kun männettä kivellä šinne istumah, ni vetehini tiät kuappau, tukista ottau kiini ta vetäy šinne järveh.