Тексты

Вернуться к просмотру | Вернуться к списку

Jumalan peitos pietty mielevys

История изменений

26 сентября 2023 в 11:51 Нина Шибанова

• создал(а) текст
• создал(а) перевод текста
• создал(а) текст: ⁶ Mielevytty myö sanelemmo niilöile, ket ollah sih valmehet, no emmo nygözen muailman mielevytty, emmogo nygözen muailman vallanpidäjien mielevytty, niilöin, kudamat mennäh häviendäh. ⁷ Myö sanelemmo Jumalan peitos pietys mielevyös, sit kätketys mielevyös, kudaman Häi jo enne aijoin alguu lepii meile taivahallizekse valgiekse. ⁸ Sidä mielevytty ei ellendännyh niken nygözen muailman vallanpidäjis. Gu ellendettänys, eihäi sit ni nuaglitannus ristah taivahallizen valgien Ižändiä. ⁹ No kui on kirjutettu: – Midä silmy ei nähnyh, midä korvu ei kuulluh, mi ei nossuh ristikanzan sydämeh, midä Jumal valmisti niilöile, ket Händy suvaijah,| ¹⁰ sen Häi meile avai omal Hengel.^ Hengihäi nägöy läbi kai, Jumalan syvyötgi. ¹¹ Kenbo muut, gu ei ristikanzan oma hengi, tiedäy, midä ristikanzas on? Mugai sen, midä Jumalas on, tiedäy vai Jumalan Hengi. ¹² No myö emmo suannuh muailman hengie, a saimmo Hengen, kudai on Jumalaspäi, gu ellendäzimmö, midä Häi andoi meile lahjakse. ¹³ Sih niškoi myö pagizemmogi, no sanommo sen Hengen opastettuloil sanoil, a ei ristikanzan mielen annettuloil sanoil, sellitämmö hengellizet dielot hengellizesti. ¹⁴ Ristikanzan mieli ei ota sidä, mi on tulluh Jumalan Hengespäi, hänele se on mielettömys. Häi sendäh ei voi ellendiä sidä, gu sidä pidäy kaččuo hengellizesti. ¹⁵ Pyhän Hengen vallas olii ristikanzu voibi suudie kaikkie, no händy iččie niken ei voi suudie. ¹⁶ Ken tiedäy Ižändän mielet, gu ruveta n՚evvomah Händy? A meil on Hristosan mieli.