Тексты

Вернуться к просмотру | Вернуться к списку

Älgiä suudiettokseh vellenke

История изменений

26 сентября 2023 в 15:18 Нина Шибанова

• создал(а) текст
• создал(а) перевод текста
• создал(а) текст: ¹ Gu teijän keskes keltahto ollou mittuine riidudielo toizeh, kuibo julgenou häi lähtie sellittämäh sidä mieron suddien edeh?^ Mikse häi ei jätä sidä jumalanuskojien sellitettäväkse? ² Ettogo työ tiijä sidä, gu jumalanuskojat roijah kerran muailman suddikse? Gu työ voitto suudie muailmua, ettogo sit pädis suudimah nämii tyhjii dieloloi? ³ Ettogo tiijä, gu myö rubiemmo suudimah anheliloigi – emmogo sit vois suudie muallizii dieloloi? ⁴ No konzu teil on riidua mittumistahto muallizis dielolois, työ otatto suddikse moizii, kudamil uskojien kanzukunnas ei ole nimittumua hindua. ⁵ Sanon tämän teijän huigiekse.^ Eigo teijän omas joukos ole ni yhty mieleviä, kudai vois sellittiä uskovellien keskenäzet riijat? ⁶ Velligo vellenke suudihes da vie uskomattomien ies! ⁷ Jo segi, gu työ suudittokseh keskenäh, on teile menetys. Eigo parembi olis tirpua viäryöt? Eigo parembi olis jiähä kiškotukse? ⁸ A työ iče luajitto viärytty da kiškotto muil, kai omil uskovellilgi. ⁹ Ettogo tiijä, gu viäryöl eläjät ei suaha kodivuittii Jumalan valdukunnas? Älgiä muaniettokseh!^ Ni karguajat, ni valehjumaloile kumardelijat, ni vierahan akanke maguajat, ni miehenke maguajat miehet, ¹⁰ ni vargahat, ni ahnahat, ni juomarit, ni koirijat da kiškojat ei suaha kodivuittii Jumalan valdukunnas. ¹¹ Moizinnu erähät teis oldih enne, no nygöi teidy on pesty puhtahakse da jiäksitty Jumalale, i työ rodiittokseh oigiet Ižändän Iisusan Hristosan nimes da Jumalan Hengen väil.