Тексты

Вернуться к просмотру | Вернуться к списку

Älgiä kumardelkuattokseh valehjumaloile

История изменений

28 сентября 2023 в 11:50 Нина Шибанова

• создал(а) текст
• создал(а) перевод текста
• создал(а) текст: ¹ Vellet, tahton mustoittua teile, meijän tuatat kaikin oldih pilven vietettävinny da mendih meres läbi. ² Kaikkii heidy ristittih Moiseih pilves da meres. ³ Kaikin hyö syödih yhty samastu hengellisty syömisty da ⁴ juodih yhty samastu hengellisty juomistu. Hyöhäi juodih sit hengellizes kallivos, kudai matkai yhtes heijänke; tämä kallivo oli Hristos. ⁵ No enimät heis ei oldu Jumalale mieldy myö, sendäh suadih surman elämättömäs muas. ⁶ Heis rodih meile varaitus, gu emmo olis rakkahat pahah, kui hyö oldih. ⁷ Älgiä ruvekkua kumardelemahes valehjumaloile kui erähät heis.^ Pyhis Kirjutuksis sanotah: «Hyö istuttihes syömäh da juomah, a sit nostih pläššimäh valehjumaloile». ⁸ Meil ei pie karrata, kui erähät heis karrattih; heidy kuoli yhtenny päivänny kaksikymmen kolme tuhattu hengie. ⁹ Anna emmo opi Hristosan tirpandua, kui erähät heis opittih; hyö kuoltih mavon n՚uokkuandah. ¹⁰ Älgiä kurketakkua, kui erähät heis kurketettih; heidy tapoi surmananheli. ¹¹ Kai, midä rodih heijänke, on gu varaitus, i se on kirjutettu, gu opastua meidy, kudamien ozakse tuli eliä jälgimäzil aijoil. ¹² Sikse ken smiettiy iččie seizojakse, kačokkah hyvin, gu ei kuadus. ¹³ Konzu teidy muanitellah, tiijäkkiä se: kaikkii rahvahii muga muanitellah. No Jumal on surematoi, Häi ei anna muanitella teidy enämbäl sidä, min voitto tirpua, a muanitukses ozuttau piäzendängi, i muga työ voitto kestiä. ¹⁴ Armahat vellet, pyzykkiä eriže valehjumaloin palvondas. ¹⁵ Pagizen teile gu mielevile. Duumaikkua iče, midä minä sanon. ¹⁶ Eigo pyhii ottajes se mal՚l՚u, kudamas myö kiitämmö Jumalua, ole yhtehys Hristosan vereh? Da eigo se leiby, kudaman myö lohkuammo, ole yhtehys Hristosan rungah? ¹⁷ Leiby on yksi, muga myögi olemmo yksi rungu, hos meidy on äijy, sikse gu kaikin lohkuammo täs yhtes leiväs. ¹⁸ Kačokkua Izrail՚an rahvastu! Onhäi niilöil, kudamat syvväh Jumalale iškiettyy žertvulihua, yhtehys Jumalah. ¹⁹ En tahto sanuo, buite valehjumaloile iškietty olis ičessäh mitahto, libo valehjumalat oldas tozi. ²⁰ Sanuo tahton sen, gu valehjumaloin palvojat tuvvah žertvoi karuloile, a ei Jumalale. I minä en tahto, gu teil olis yhtehys karuloih. ²¹ Työ etto voi juvva Ižändän mal՚l՚as dai karuloin mal՚l՚as, etto voi syvvä Ižändän stolas dai karuloin stolas. ²² Vai tahtommogo suututtua Ižändiä? Emmohäi myö ole vägevembät Händy!