Тексты
Вернуться к просмотру | Вернуться к списку
Uskojien kanzukunnas kai pidäy olla sijoilleh
История изменений
29 сентября 2023 в 11:10 Нина Шибанова
- создал(а) текст
- создал(а) перевод текста
- создал(а) текст: 26 Ga midäbo sit ruadua, vellet? Konzu työ kerävyttö yhteh, jogahizel on kel midägi: kelgo pajo, kelgo opastus, kelgo jiävindy, kengo pagizou kielil, kengo sellittäy niilöi kielii. Kai se olgah yhtehizekse hyväkse. 27 Gu sie paistanneh kielil, paistahes sit vuoroi, kahtei libo äijy kolmei, a yksi sellitäkkäh. 28 No ku ei olle sellittäjiä, sit kielil pagizii olgah uskojien kanzukunnan keskel vaikkani, a paiskah ičekseh da Jumalanke. 29 Jumalan iänenkandajat paistahes kahtei libo kolmei, a toizet suudittahes heijän paginoi. 30 No ku kelletahto toizele sie istujis roinnou jiävindy, sit enzimäine anna vaikastuu. 31 Työ voitto kaikin vuoroi olla Jumalan iänenkandajinnu, gu kaikin opastuttas da suadas rohkevuttu. 32 Jumalan iänenkandajat voijah pidiä käzis oman n՚eron, 33 Jumalhäi ei tahto segovustu, Häi on rauhuon Jumal. Kui kaikis jumalanuskojien kanzukunnis,| 34 mugai teil naizet oldahes vaikkani uskojien kanzukunnan kerävyndöis. Heil ei sua paista, heil pidäy olla sanankuulijannu, kui Zakongi käsköy. 35 Gu hyö tahtotanneh opastuo midätahto, anna kyzytäh kois omal ukol. Huigeihäi naizel on paista uskojien kanzukunnan kerävyndäs. 36 Smietittögo Jumalan sana lähti teispäi? Libo se tuli vai teijän luo? 37 Gu ken pidänöy iččie Jumalan iänenkandajannu libo muun Hengespäi tulluon n՚eron suannuonnu, anna häi tiedäy: midä minä teile kirjutan, se on Ižändän käsky. 38 Ken ei tädä tiijä, sidä Jumal ei tiijä. 39 Sendäh, vellet, pangua kai väit, gu roija Jumalan iänenkandajakse, no älgiä ni kielil pagizendua kielläkkiä. 40 No olgah kai čestil da sijoilleh.