Тексты

Вернуться к просмотру | Вернуться к списку

Serko

История изменений

04 октября 2023 в 16:46 Нина Шибанова

• изменил(а) язык
  с вепсский
  на карельский: собственно карельское наречие

04 октября 2023 в 16:38 Нина Шибанова

• создал(а) текст
• создал(а) текст: Lapšena mie rigeneh ajelin gostih Pašt’otan luoh Vasil’kovalla. Kuun aloh šielä mie ünnäh toko unahin hormin kielen i puutaičin veniälän i karielan kielen šanoida. Pašt’otanke miula jäi muistoh kaikenmuost’a istorjua... Ka, täššä üksi niistä. T’otalla oli moni kazie. Mie, kuin kaikin lapšet, šuačin kizata kaziloinke i muakkain heidä. A šiidä küželin t’otalda: ”Miksi kazit hüpätäh pagoh: mie kiugualla – kazit lattieh, mie lattieh – kazit kiugualla?” Konža oli aiga lähtie gostista kodih, ülen äijäldi rubein itkemäh, što mie lähen, a kazit jiähäh. Pašt’ota ei keštän miun küünelie, valličči šuurin kaziloista, pani šalkuh i ando meilä keralla. Kaiken dorogan mie kačoin, kuin šalku lekkuu i kočahtelou. Uuvella paikalla Serkolla ei mieldün, hot’ mie naroviin hänellä andua paremmat lihapalazet. Mie dogadiin kazin šil’missä šuuren gor’an, kuin ristikanžalla toko on. Kaikin miän pereheššä kekšittih, što Serko on ves’ma hajukaš kazi. Meilä šopešša oldih tipazet, a Serko ei kehan i kačahtua tipoih päin. Kiändi toizeh randah turbazen, konža kopitti šiiričči tipazista, vain hännällä lekutteli. Kerran illalla, kuulemma, meilä ket-ollou tullah. Susiedalla käzissä oli miän Serko, kumbane narovi piäššä, a jällesti tuli susiedan naine kolmenke duavittu tipazenke. Oli riida, kumbazen miän tuatto kuinollou šammutti, a Serkon haukkuttih äijäldi. Žen jälgeh Serko kado. Meilä oli ülen žuali kazie, vain midä ruat...Proidi aiga, mie tuašen kežällä läksin gostih Vasil’kovalla. Issumma ildapuolela skammizella t’otanke i niämmä: miän Serko tulou! Oli hiän laiha, redukaš, vähäldi pohodi tuah armahah kazizeh, kummast’a mie šuačin. Pašt’ota kazin šüötti, juotti i nikellä enämbi ei andan. A kuin Serko löüdi dorogan kodih, niken ei tiijä! Ol’ga Suhanova, Tveri