Тексты
Вернуться к просмотру | Вернуться к списку
”Vihmazella” täüdü 15 vuotta
История изменений
05 октября 2023 в 12:10 Нина Шибанова
- создал(а) текст
- создал(а) текст: Lapšiin kandeleh-ansambli ”Vihmane” on hüvin tunnettu Tverissä, Karielan Tažavallašša da Šuomešša. Jo mäni 15 vuotta, kun lapšet, kumbazet käüvväh Lihoslavl’an muzikal’noih školah, opaššutah šoittamah karielaziin armaššetulla instrumentalla – kandelehella. Ansamblin jubilei oli kakšikerdahine: šinä piänä fol’klornoin oddelenjalla täüdü 15 vuotta, kuin ”Vihmazella”. Oddelenjan piämihenä on N.A Matvejava. Pruazniekalla annettih nimen ”Lihoslavl’a da Lihoslavl’n rajona on miän tuattoloin mua”. Lapšet školan metodistanke V.I. Demidovanke varuššettih šoman vistavkan, missä oli i resunkazie, i lapšiin käzillä lujattuo bobozie. Miellüttih karielan muččozet, kumbazie mahettih luadie 4 kluassan opaštujat omankeh opaštajanke O.I. Prokofjevanke. Lihoslavl’an muzikal’noissa školašša staraijah ruadua niin, što lapšet tunnuštuačettais’ karielan i veniälän kul’turanke, žentän što molemmat kul’turat šadoja vuožie eletäh rinnakkeh. Pienemmät lapšet laulettih veniäläzie viržüzie: pervoklasnikat laulettih virren ”Lendi čirku”. ”Vihmane” laulau hormiksi, karielakši i šuomekši. Lapšet kažvetah, i ansamblin šoittjat muututtih moni kerdua. Pruazniekalla üheššä pikkarazinke vihmazinke šoitettih val’san ”Silvija” N. Sapožnikova, A. Grigorjeva, K. Ivanova, kumbazet oldih toizešša ansamblin pokonašša. ”Vihmane” ülen šuaččou karielazin kompozitoroin muuzikkua i omie karielazie viržilöidä, kumbazih varoin kirjutti šanat Stanislav Tarasov, tunnettu tverinkarielane runolija. ”Vihmane, vihmane valau, gribazen, gribazen palah!” – kuulu zualašša. Muzikal’noi škola kaiken aijan pidäü ühteüttä Tverin karielan kul’turnoike avtonomijanke: naluadima üheššäruaduo karielan nuoriz’onke i ”Veniä – Šuomi” ühükšenke. Kežäpruaznikalla Molokovašša ”Vihmast’ä” kuunneldih mieleheldi. Nojabr’alla 2014 miän ansambli šai 2 paikan meždunarodnoissa festivalissa ”Nuoret lahjakkahat”. Parahiilla muzikal’noin školan ruadajilla Lihoslavl’an rajonan piämiehet annettih palkinnon hüväštä ruavošta.