Тексты
Вернуться к просмотру | Вернуться к списку
Äijänpäivän nedäli
История изменений
18 октября 2023 в 16:53 Александра Родионова
- создал(а) текст
- создал(а) перевод текста
- создал(а) текст: Konzu rubei tulemah se nedäli, Äijänpäivän nedäli, meile oli suuret dielot. Ezmäžesti päivän myö peziimmö pertilöi. Ainos pidi hyvin pestä ikkunat. T'outa sanoi: «Ikkunat - se ollah silmät meijän pertin, a silmät aiven oldas puhtahannu». Pertilöis myö ainos peziimmö vie lait. Pideli ezmäžesti sanuo, što lait peziimmö, a sit pertilöi peziimö. Jällespäi nenis pertilöis škuapospäi heitiimmö kai astiet dai posudniekoispäi. Astiet peziimmö sovdan kel, gu bleznittäs. Järgih sinne škuappah paniimmo. Toššupäivän myö peziimmö ezipertit, kus oldih lehmän rengit, pučit, vezipučit, dai toižet vešit. Da senčoit, net pertit eudu meile kruasittu. Net oldih lahkot valgiet. Nenii pidi hičuttua golikon vuh da peskun kele. Minä avvutin Maša-t'outale, kačoin kui Maša-t'outa yhtel jallal painau sidä golikkuo da hičuttau, da vie pajuo pajattau. Jälgimäine perti se oli aittuperti. Pertit pesty, puhtastettu. Nelländennypäivän kiävyimmö kylyh, Puhtas nelläspäivy. Jälles kylyy huogavummo. Tulou piätteniččy, rubiemmo varustumah ielleh Äijäksepäiviä, rubeimmo pastamah rouzončikkua. Piiruadu pidi pastua ylen äijy, sendäh gu Dugan taloih kävyi ylen äijy rahvastu.