Тексты
Вернуться к просмотру | Вернуться к списку
Olen roinnuh D'eukulas
История изменений
30 октября 2023 в 15:54 Александра Родионова
- создал(а) текст
- создал(а) перевод текста
- создал(а) текст: Minä olen roinnuh Priäžän rajonas kyläs Pengiselgas, karjalakse santaa D'eukul. Minun perehes oli muamo, tuatto i vie oli kaksi vellie i kaksi sizärdy. Pereh oli suuri. Oli eliä vessel. Muamo minun ruadoi skotnoil', kačoi vazoi. Myö häneu autoimmo, aiven oliimmo sie. Pihal nel'l'oillä euluh aigua, pidi avtua muamal. A tuatto ruadoi mašinal šouferinnu souhozas Vild'arven. Opastuin minä kolmes školas. Ezmäi opastuin ezmäizes da kolmandeh kluasassah Savinovan školas, sit Sissoizin školas opastuin. Nygöi niilöi školii eule jo, ni Savinovan školua ni Sissoizin. Yheksändes da kymmenes kluasas opastuin Vield'arven školas. Sie myö elimmö internuatas kaiken nedälin. Kodih tulimmo vai suovattan, a pyhänpiän järilleh internuattah.