Тексты

Вернуться к просмотру | Вернуться к списку

Kenen minä linnen?

История изменений

21 декабря 2023 в 11:54 Нина Шибанова

• создал(а) текст
• создал(а) текст: Mehiden elos radon valičend om päsijal, se om tärged azj. Voib olda, minun valičend völ vajehtase kuni minä opendamoi školas, no nügüd’ minä tahtoin olda magukeitäjan. Nügüdläižel aigal äjad mehed oma stressan situacijas, sikš paksus söba magupaštatesid, miččiš om lujas äi kallorijoid. Sikš ližatas jügus. Minä tahtoin avaita leibänpaštamon, kus paštatesiš linneb minimaline kallorijoiden lugumär. Nügüd’ nece om rad, miččes lujas hüvin makstas da minä voin rata ičelaiž päle, ku avaidan mugoman leibänpaštamon iče. No, nügüd' minä völ paštan vaiše minun kanzan täht, i heile om lujas mel’he minun paštatez. Natoi Lebed’eva, 7 “b” klass (konkursan vägestai) Tulijal aigal minä tahtoin olda vizažistan da Tblogeran. Nece rad minei om mel’he. Se om melentartuine. Minä navedin čomitada toižid da starinoita necen polhe. Minun lehtpolel internetas om äi laikoid. Konz om joudai aig, ka minun telefonas kaiken radab kamer. No mirus om äi toižid-ki radoid, a minei völ tarbiž opetas školas kahesa vot. Stanislava Šašina, 3 “v” klass Mal om äi erazvuiččid radoid. Ned kaik oma hüväd. Nügüd’ minun rad om hüvin opetas školas, no tulijal aigal minä tahtoižin rata sauvojan. Sauvoi voib leta erazvuiččid čomid pertid. Nece čomitab da levenzoitab meiden lidnad. Meletan, miše nece rad abutab kehitoitta minun mel’kuvitelust. Tahtoin sauda erilaižid sauvotusid. Sauvojan rad ei ole kebn, sikš ku pidab panda äjan väged da tirpandad, miše tehta originaližid nügüdläižid sauvotusid. Nacein, minun-ki uništuz, aigan mändes, tuleb eloho! Maksim Lebed’ev, 7 “b” klass