Тексты

Mama vie magoau

02 апреля 2024 в 14:47 Нина Шибанова

создал(а) текст
создал(а) перевод текста
создал(а) текст: — Mama vie magoau, myö ploat’an peäl, gu lähtemmö kylee myö joga taloih kävymmö, dai muut lapset. Joukolleh sinne da uudizii ozuttamah. Tulemmo, mama jo nouzou, enzimäizekse sanou: ”Lapset, — sanou, — läkkee kačommo: jogo päiväine pläššiy?” Äijypäivy oli kaikkies kallehien proazniekku. Sit myö lähtemmö maman kel pihal. A toičči bivaičou aijoi, kačo, tänävuon oli aprel’al. A toičči bivaičou: jo on lämmin, jo pal’l’ahien jalloin voi juoksendella. Menemmöhäi, neče päivy pastau, a se päiväine vroode pläššiy. ”Kačo, sanou, päiväine pläššiy”. I pravda, kačommo, vrode gu päiväine pläššiy, pr’aamo gu pläššiy. No, no, ”Kačo, sanou, nečidägoi, Jumal radujetsa, što poigu elivyi. Jumal iloiliheh, hyvä mieles on, što ozuttau, što päiväine pläššiy.” — Kävyttögo kaččomah, kui päiväine pläššiy, nygöi? — Nygöi emmo kävy. A nygöi minä daaže en tiije: pläššiygo päivy vai ei, en tiije. Emmo kävy, emmo. A lapsennu, kačo kävyimö.