Тексты

Вернуться к просмотру | Вернуться к списку

Iisus ozutase openikoile

История изменений

16 февраля 2022 в 10:56 Nataly Krizhanovsky

• изменил(а) заголовок перевода
  с Iisus ozutase openikoile
  на Иоанн 20:19-31

29 ноября 2020 в 17:15 Валентина Старкова

• создал(а) перевод текста

26 мая 2020 в 08:34 Andrew Krizhanovsky

• изменил(а) текст
  ¹⁹Sil nedalin ezmäižel päiväl openikad oliba ehtkoižel ühtes pertiš. Sen verajad i uksed oliba saubas, sikš ku openikad varaižiba evrejalaižid. Ühtnägoi heiden keskhe seižutihe Iisus i sanui: «Tervhen elät!» ²⁰Neniden sanoiden jäl’ghe hän ozuti heile ičeze käded i jaugad i bokan. Openikad lujas ihastuiba, konz nägištiba Ižandan. ²¹Iisus sanui heile toižen kerdan: «Tervhen elät! Muga kut Tat om oigendanu mindai, muga minä oigendan teid.» ²²Jäl’ges hän puhalzi heiden päle i sanui: «Otkat Pühä Heng. ²³Kenele tö pästat grähkäd, hänel ned om pästtud. Kenele tö et pästkoi, hänele ned jäba.» ²⁴Foma, üks’ kahtestoštkümnes openikaspäi, kudamb kuctihe völ Kaks’jäine, ei olend heidenke, konz tuli Iisus. ²⁵Toižed openikad sanuiba: «Mö nägim Ižandan.» No Foma sanui: «En usko, kuni iče en nägišta naglanjäl’gid hänen käziš i en pane ičein sormed niiden reiguihe i ičein kät hänen bokha.» ²⁶Päliči nedališ Iisusan openikad oliba möst ühtes pertiš, i Foma oli heidenke. Konz pertin verai i uks’ oliba saubas, ühtnägoi Iisus tuli, seižutihe heiden keskhe i sanui: «Tervhen elät!» ²⁷Sid’ hän sanui Fomale: «Pane sorm tänna i riža minun käded. Anda käzi i pane minun bokha. Ala ole uskmatoi, a usko!» ²⁸Siloi Foma sanui: «Minun Ižand i minun Jumal!» ²⁹Iisus sanui hänele: «Sinä uskod, sikš miše nägištid mindai. Ozavad oma ned, kudambad uskoba, hot’ ei nähkoi.» ³⁰Äi toižid-ki tundmuztegoid Iisus tegi openikoiden sil’miš, no niiden polhe ei ole kirjutadud neciš kirjas. ³¹Nece om kirjutadud, miše tö uskoižit: Iisus om Messia, Jumalan Poig, i miše teil, ku uskot hänen nimehe, oliži elo.
• изменил(а) комментарий источника
  с Evangelii Joannan mödhe. 20.
  на Evangelii Joannan mödhe. 20. От Иоанна святое благовествование, Глава 20. Библия (Синодальный перевод). en=John|20