Тексты

Вернуться к просмотру | Вернуться к списку

Ennen pyhinpäivin

История изменений

13 апреля 2024 в 20:51 Нина Шибанова

• создал(а) текст
• создал(а) перевод текста
• создал(а) текст: Ennen pyhinpäivin, proazniekku g liennou olluh, ei roattu. Meijän boabo mustelou. Kačo, Il’l’anpäivy on suuri proazniekku. A ennehäi pidi leikata kagroa, kagrat valgiet, dai leikata pidäs, a Il’l’anpäivy on se vie eule ni pyhänpeän, a toizel päiväl, nedälin päivil olluh. ”Himoittas lähtie, — sanou, — leikkoamah i varoan, reähky on vet!” Ennehäi tiettih enämbäl. Nygöi myö ni meččeä emmo tiije, vot. ”Lähten, — sanou, — dai iče sanou: silmät ristin, g ollov ylen reähky, tulgah mado vastah. A ku vai ei olle reähky, sit menen ielleh pellol, vie leikkoan, puolendan eäreh.” Nečine pidäy mennä, toane kangastu myöte i sie meijän enne kolhozoa net omat pellot oldih jagamattah. Jällelhäi kolhoozah otettih. No. Astun kaiken matkan, ečin maduu. Kačon dorogaizeh, tropinkah: eigo kus mado vastah tule, sanou. Ei tulluh. Menin pellol, vaigu enzičirpil vejäldin kagroa, mado vizahtih tuli sih. Sit, — sanou, — sen kagrukobraizen heitäldin sih da silmät ristin. Znaačit, se reähky on, astun eäre kodih, da eäre kodih tulin, sanou. Vot. Nu mibo sit znoačči, ne znaju. Sofpala vai...