Тексты

Vuokinsalmen kylän Kammarinvuaran huuttorissa

14 апреля 2024 в 17:02 Нина Шибанова

создал(а) текст
создал(а) перевод текста
создал(а) текст: Vuokinsalmen kylän Kammarinvuaran huuttorissa sukupolvesta sukupolveh nouvatettih kolmea perinteellistä tapaa: Čirpin luojaset, Priusan kolkkajaiset ja Kuokan kolkkajaiset. Merkillistä näissä kolmessa pruasniekassa oli se, jotta nuapurien čäijyö juotuo ta sriäpnyä syötyö hyö talonväen kanssa vielä paistih taloushommista ta syystöistä. Ei kisattu eikä laulettu niin kuin toisissa pruasniekoissa. Jokahisella perehellä oli omat pellot. Kun tuli sykysy, pelloilta leikattih vil’l’at ta siitä piettih Čirpin luojaset, se oli pruasniekka. Ken kerkisi kolmesta talosta ensimmäisenä leikata vil’l’at pellolta, siinä talossa piettihki čirpin luojaset. Kučuttih rahvasta kahesta muusta talosta pruasnuimah. Sriäpittih kakkarua osrasesta jauhosta ta kalittua osran suurimasta. Sitä suatih sillä keinoin, jotta käsikivellä piti suurtua osrua. Lisäksi sriäpittih möykyistä taikinaisesta. Keitettih čäijyö, hauvottih maituo, sriäpnyä stolalla pantih ta vierahat kučuttih syömäh ta juomah.