Тексты
Вернуться к просмотру | Вернуться к списку
Oma randa -pruazniekka
История изменений
21 апреля 2024 в 10:57 Ирина Новак
- создал(а) текст
- создал(а) текст: Jo moni vuotta heinäkuun keški¦puolella Tverin Karielan piälinnašša – Kozlovalla pietäh Oma randa -¦tverinkarielazen kulʼtuuran pruazniekkua. Pruazniekalla tullah tuhatat gostʼat Tverin Karielan kaikista rajonoista da linnoista, Moskušta, Piiteristä. Koncertan aigah voiččou kuunnella karielan¦- da veniälän¦kielizie viržilöidä, častuškoida, runoloida da prozua, nähä kaikenmuozie tancoida dai iččiellä tancuija da kizata toizinke. Rahvaš čilkuttau. Lapšilla varoin on luajittu kodi¦žiivatta¦zooparka. Ruadau jarmanka, mistä voiččou oštua midä lʼuubo: vuatetta, jallaččie, ašteida, šomennukšie, kniigoida, mettä, einehie, marjua. Midä vain ei paisseta emännät pruazniekakši: hienuo piiruada, pakšuo piiruada, kalakukkuo, skančua, sulčinua. Jogo gostʼa voiččou iče opaštuo paistamah karielazie piiraida.