Тексты
Вернуться к просмотру | Вернуться к списку
Ven’an kuulužat rahvas
История изменений
20 мая 2024 в 15:24 Нина Шибанова
- создал(а) текст
- создал(а) текст: 1. Mihail Lomonosov on kuulužu ven’alaine tiedomies, hiimiekku, fiiziekku, taidoilii, histouriekku, runoilii da kirjuttai. Häi oli roinnuhes vuvvennu 1711 Arhangelin alovehel. Häi ylen äijäl tahtoi opastuo, sendäh vuvvennu 1731 tuli jallai Moskovah. Hänen panos tiedoh on ylen suuri da arvokas. Vuvvennu 1754 Lomonosov oli luadinuh Moskovan yliopiston projektan, kudai jällespäi sai hänen nimen. 2. P’otr Čaikovskii oli kuulužu ven’alaine säveldäi. Häi oli kirjutannuh kymmene ouperua, kolme baliettua, seiččie simfouniedu, 104 romansua da muudu muuzikkutevostu. Čaikovskoin kuulužimat balietat ollah ”Ščelkunčik” da ”Joučenlambi”. P’otr Čaikovskoin nimi on annettu uuličoile da konservatourieloile, monile muuzikkulaitoksile Ven’al da endizis Nevvostoliiton tazavallois. 3. Vladislav Tretjak on kuulužu ven’alaine jiäkur’oihkižuaju – vratari. Kuvvestostu vuvves kižates hokkeih häi otti ozua enämbän migu 600 kižah. Kolme kerdua Vladislav Tretjak oli Olimpiadukižoin čempionannu, kymmene kerdua oli Muailman jiäkur’oinkilvoin voittajannu da yheksä kerdua Jevroupan jiäkur’oinkilvan voittajannu. Kanzoinväline jiäkur’oifederacii on sanonuh Tretjakan XX vuozisuan parahakse jiäkur’oihkižuajakse.