Тексты
Вернуться к просмотру | Вернуться к списку
Nygöi olemmo Helsinkis
История изменений
20 мая 2024 в 15:54 Нина Шибанова
- создал(а) текст
- создал(а) текст: – Nygöi olemmo Helsinkis. Täs on midä kaččuo! Kunne lähtemmö enzimäi, Nasti? Midä duumaičet sih nähte? – Toinah linnan keskukseh. Ylen äijäl himoittas kaččuo Senuattulagevuo. Se on ylen čoma. – Ga läkkä. Jallaigo lähtemmö? Ongo pitky matku Senuattulagevossah? – Ei ole pitky matku. Lähtemmö jallai. Senuattulagevo ei ole loitton meijän hotelispäi. – A midä rubiemmo ruadamah illal, Nasti? – Minul himoittas kävvä Lappi-restoruanah. Olen äijän kerdua kuulluh sit, ga iče nikonzu en olluh. Sanotah, se on mielužu kohtu, sydämes kai on luajittu vahnah tabah – puus. Restoruanas voibi syvvä perindöllizii suomelazii da lappalazii syömizii. Lähtemmögo? Midä duumaičet, Katti? – Minä sežo rakkahal kävyzin täh restoruanah. Himoittas oppie perindöllizii lappalazii syömizii. Sovimmo sit, illal lähtemmö restoruanah. A midä huomei rubiemmo ruadamah? Jogo duumaičit sidä, Nasti? – Huomei voizimmo kävvä Suomenlinnah. Sinne jo aijoi huondekses ruvetah käymäh laivat. Vie minä duumaičin kävvä Taidomuzeih da Sea Life -merimuailmah. Vie on aigua duumaija, kunne da konzu lähtemmö. Olemmohäi nedälin Helsinkis.