Тексты

Вернуться к просмотру | Вернуться к списку

Lehmäižen holed

История изменений

17 июня 2024 в 15:55 Нина Шибанова

• изменил(а) текст
  (Runosarn lapsiden täht) Runosarnan henged Nina-čiža Hänen Vellüt Kaži Lehmäine Ezitanhal, pertin pordhil ištuba Nina-čiža, hänen Vellüt i Kaži Nina-čiža starinoičeb: – Pordhil ištuim koumen kesken: Minä, Vellüt, Kaži keskes. Meihe Lehm sid’ kacuhti, Pehmdoil hulil märehti. Velüt: – Kacu, Lehm, sä oled rindal! Midä toi-se tänna sindai? Kuna nügüd’ sinä astud? Linneb vihm, sä lujas kastud. Lehm: – Läksin minä oiktale! Nina-čiža: – Mihe läksid oiktale? Lehm: – Sikš mä lähten oiktale, randaižele korktale: Verez heinüt sigä kazvab, ližadab se maidho razvad. Nina-čiža: – Kuna möhemba sä lähted? Midä völ-se sinä tahtoid? Lehm: – Lähten minä hurale. Vellüt: – Mikš sä lähted hurale? Lehm: – Sikš mä lähten hurale, Normudele surele: Sigä kazvab imič maged, Duhukaz i lujas saged. Kaži: – Midä möhemba sä teged? Kuna oigendad sä väged? Lehm: – Lähten minä järvele! Kaži: – Mikš sä lähted järvele? Lehm: – Sikš mä lähten järvele: Andan lebud sarvile, Udarale andan lebud. Järven randal seištas kegod, Venun niiden kuvahaižes, Jon mä vedut järvenlainhiš. Kaži: – Kuna möhemba sä lähted? Ed-ik ota meid, hot’ kahten? Lehm: – Lüpsajid lähten ecmaha. Nina-čiža: – Mikš heid lähted ecmaha? Lehm: – Sikš mä lähten ecmaha, Kaikjal ümbri kacmaha: Tahtoin lahjan tehta teile. Midä ehtal jot – sä, vellüt? Navedit tö joda maidod! Otkat ehtal padad täuded. Kaži: – Min sä, lehm, a kutak minä? Minus meletand ed sinä! Minä-ki ved’ joižin maidod! I ku maidod – padad täuded, Kenak minei maidod valab, Minus unohta sä ala! Nina-čiža: – Ala holdu, Kaži, neciš, Tedan, maidod sinä ecid Homendesel, öl i ehtal! Maid jo astjas, joda kehta! Vellüt: – Navedim mö maidod joda, Pudrod maidonke-ki söda, Tehta hüvid jomižid… Vaiše, Lehm, sä oližid Külläine i terveh tanhal, Kaik ühtes: Siloi maidod jom mö kauhal! *** Nina-čiža: Sarnaižele tehtud lop... Lehmäižele ilod tob Meiden hol’ i sana armaz, Kut tö lugit neciš sarnas.

17 июня 2024 в 15:47 Нина Шибанова

• создал(а) текст
• создал(а) текст: (Runosarn lapsiden täht) Runosarnan henged Nina-čiža Hänen Vellüt Kaži Lehmäine Ezitanhal, pertin pordhil ištuba Nina-čiža, hänen Vellüt i Kaži Nina-čiža starinoičeb: – Pordhil ištuim koumen kesken: Minä, Vellüt, Kaži keskes. Meihe Lehm sid’ kacuhti, Pehmdoil hulil märehti. Velüt: – Kacu, Lehm, sä oled rindal! Midä toi-se tänna sindai? Kuna nügüd’ sinä astud? Linneb vihm, sä lujas kastud. Lehm: – Läksin minä oiktale! Nina-čiža: – Mihe läksid oiktale? Lehm: – Sikš mä lähten oiktale, randaižele korktale: Verez heinüt sigä kazvab, ližadab se maidho razvad. Nina-čiža: – Kuna möhemba sä lähted? Midä völ-se sinä tahtoid? Lehm: – Lähten minä hurale. Vellüt: – Mikš sä lähted hurale? Lehm: – Sikš mä lähten hurale, Normudele surele: Sigä kazvab imič maged, Duhukaz i lujas saged. Kaži: – Midä möhemba sä teged? Kuna oigendad sä väged? Lehm: – Lähten minä järvele! Kaži: – Mikš sä lähted järvele? Lehm: – Sikš mä lähten järvele: Andan lebud sarvile, Udarale andan lebud. Järven randal seištas kegod, Venun niiden kuvahaižes, Jon mä vedut järvenlainhiš.