Тексты
Вернуться к просмотру | Вернуться к списку
Sobu Jumalanke Hristosan kauti
История изменений
20 июня 2024 в 16:41 Нина Шибанова
- создал(а) комментарий: Toine kirjaine Korinfalazile
20 июня 2024 в 15:55 Нина Шибанова
- создал(а) текст
- создал(а) перевод текста
- создал(а) текст: 11 Nygöi, konzu myö tiijämmö, mi se on varata Ižändiä, myö opimmo kiändiä rahvahii Hänen puoleh.^ Jumal hyvin tiedäy, mittumat myö olemmo, da nad՚eičemmos, gu työgi oman hengen kauti tiijättö sen. 12 Emmo myö rubie myös kiittämäh iččie teile, vai annammo teile vallan mennä hyväkse meijän täh.^ Sit teil olis midä vastata niilöile, kudamat mennäh hyväkse sil, mi nägyy piälpäi, a ei sil, mi on sydämes. 13 Gu olemmo gu mielis liikkunuot, ga se Jumalah niškoi. A konzu olemmo tervehel piäl, se teih niškoi,| 14 sikse gu Hristosan suvaičus piettelöy meidy.^ Myö, kačo, nenga duumaičemmo: gu yksi kuoli kaikkien täh, sit kaikin kuoltih. 15 A Hristos kuoli kaikkien täh, anna eläjät ei enämbiä elettäs iččeh niškoi, a elettäs Häneh niškoi, kudai kuoli da nouzi kuollielois heijän täh. 16 Sendäh nikedä emmo täs päiväs lähtijen miäriä omua iččie myö. Hos enne miäräimmö Hristossua omua iččie myö, enämbiä emmo rua muga. 17 Sendäh, ken on Hristosas, se on luajittu uvvekse. Vahnu hävii, sijah tuli uuzi. 18 Kai tulou Jumalaspäi, kudai Hristosan vuoh tuli sobuh meijänke da andoi meile ruavon sovittua rahvastu iččehke. 19 Jumal iče tuli sobuh muailmanke Hristosan vuoh, da ei pannuh viäräkse rahvastu heijän hairahtuksien täh.^ A meile Häi käski kandua sanua sih sobuh niškoi. 20 Ga sit myö olemmo Hristosan työtyt, i Jumal pagizuttau teidy meijän kauti. Kehitämmö Hristosan nimes: tulgua sobuh Jumalanke. 21 Hristosan, kudai ei tiedänyh riähkiä, Jumal luadii meijän täh riähkäkse, gu Hänes myö piäzizimmö oigiekse Jumalan ies. 6 1 Jumalan ruadovellinny olles myö pokoroičemmokseh: otakkua Jumalan hyvys muga, gu se ei menis tyhjäh! 2 Häi sanou: – Hyväl aijal kuulin sinuu, piäzendypäivänny avvutin sinuu. Juuri nygöi on hyvä aigu, juuri nygöi on piäzendypäivy.