Тексты

Вернуться к просмотру | Вернуться к списку

Apu Jerusalimin rissityillä

История изменений

01 июля 2024 в 15:52 Нина Шибанова

• изменил(а) комментарий
  с Toine kirjaine Korinfalazile
  на Apostoli Puavilan toini kirjani Korinfilaisilla

27 июня 2024 в 14:23 Нина Шибанова

• создал(а) текст
• создал(а) перевод текста
• создал(а) текст: ¹ Vellet, tahomma, jotta työ tietäsijä, mitein armollini Jumala on ollun Makedonijan uškojakunnilla. ²Vaikka hilä oltih hyvin vaikiet olot, kuitenki hyö oltih hyvin ilosie, ta vaikka oltih kovuan köyhie, hyö oltih valmehet antamah šuuri lahja. ³Mie voin tovistua, jotta hyö annettih niin äijän kuin šuinki voitih, ta vieläi šen piäličči.^ Vet hyö iče tahottih ⁴ta molimalla molittih, jotta myö ottasima hiät yhtehiseh ruatoh, pyhien auttamiseh. ⁵Ta hyö ruattih vielä enämmän, mitä myö toivoma.^ Hyö annettih iččeh enšin Hospotilla ta šiitä meilä niise, niin kuin oli Jumalan tahto. ⁶Šentäh myö pyrittimä Tiittua, kumpani alotti tiän kešeššä šamanmoisen hyvän ruavon, jotta vetäis šen loppuh šuate. ⁷Teilä on kyppisen kyllitellein kaikkie: uškuo, pakinaneruo, tietuo.^ Työ staraičetta kaikešša, ta työ tykkyättä meitä.^ Ka niin antakkua turpiešti täh lahjah. ⁸En šano tätä käškynä.^ Toisien innošta mainičen, jotta voisin nähä, kuin tovllini on tiän tykkyämini. ⁹Työhän tiijättä miän Hospotin Iisussan Hristossan armon: Hiän oli pohatta, ka tuli köyhäkši tiän tähen, jotta työ pohattusija Hänen köyhyöštä. ¹⁰Annan vain neuvon täššä as's'ašša.^ Šiitä on hyötyö teilä, ket viime vuotena alottija tätä ruatuo ta vieläi šuurella himolla tarttuja šiih. ¹¹Šuattakkua nyt še ruato loppuh šuate.^ Työ alottija šen innolla, niin ni lopettakkua še, antakkua šen mukah, mitä teilä on! ¹²Kun ken ollou valmis antamah, niin häneltä otetah hyvillä mielin vaštah še, mitä hiän voit antua.^ Antajalta ei vuajita šitä, mitä hänellä ei ole. ¹³Pakina ei ole šiitä, jotta toisien elämä kohenis, ta teijän harteilla tulis šentäh takka.^ Pitäy vain jakua niin, jotta kaikilla ois yhen verran. ¹⁴Tänä päivänä teilä on äijän kaikkie, ta työ voitta lieventyä heijän puutetta.^ Toičči voit heilä olla kaikkie kyllitellein, ta šilloin hyö lievennetäh tiän puutetta.^ Näin kaikilla tulou tašah. ¹⁵Pyhissä Kirjutukšissa on šanottu täštä näin: – Ken keräsi äijän, šillä ei ollun liikua, ken keräsi vähän, šillä ei ollun puutetta.