Тексты

Вернуться к просмотру | Вернуться к списку

Hristossa pani puavilan apostoliksi

История изменений

04 июля 2024 в 11:50 Нина Шибанова

• создал(а) текст: ¹¹ Tahon, jotta työ tietäsijä, vellet, jotta miun šaneloma Hyvä Viesti ei ole ihmisen piäštä lähtösin. ¹²Enhän mie šitä ihmisiltä šuanun, eikä kenkänä šitä miula opaštan.^ Mie šain šen Iisussalta Hristossalta, konša Hiän näyttäyty miula. ¹³ Olettahan työ kuullun, mitein mie ennein elin jevreiläisen vieron mukah.^ Šilloin mie äijälti ajelin Jumalan uškojakuntua ta yritin kokonah hävittyä šen. ¹⁴Olin jevreijen vierošša monie šamanikäsie poikkoimpi ta kovašti puolissin tuattoloilta perittyjä opaššukšie. ¹⁵A Jumala valičči miut, konša olin vielä muamoni vačašša ta omašša armoššah kučču miut ruatoh. ¹⁶Hiän kaččo hyväkši antua oman Poikah näyttäytyö miula, jotta mie šanelisin Häneštä Hyvyä Viestie toisenvierosilla kanšoilla.^ Šilloin en kyšyn neuvuo yheltäkänä ihmiseltä ¹⁷enkä lähten Jerusalimih niijen luo, ket jo ennein milma oli tultu apostoliloiksi. Šen ieštä mänin Aravijah ta šieltä tulin jälelläh Damaskih. ¹⁸Vašta kolmen vuuvven piäštä mänin Jerusalimih, jotta tuttavuštuo Petrih, ta olin hänen luona viisitoista päivyä. ¹⁹Muista apostoliloista nävin vain Juakon, Hospotin vellen. ²⁰Jumala on miula tovistajana, jotta tämä, mitä teilä nyt kirjutan, on totta. ²¹Šen jälkeh läksin Siirijah ta Kilikijah. ²²Juutijan uškojakunnissa rissityt ei vielä tiijetty milma. ²³Hyö vain kuultih tämmösie pakinoja: «Še mieš, kumpani ennein ajeli meitä, nyt opaštau šitä uškuo, kumpaista ennein reistasi hävittyä». ²⁴Ta hyö ylennettih Jumalua miun tähen.

04 июля 2024 в 11:50 Нина Шибанова

• создал(а) текст
• создал(а) перевод текста