Тексты

Вернуться к просмотру | Вернуться к списку

Henki ta ihmisen riähkähini luonto

История изменений

08 июля 2024 в 16:26 Нина Шибанова

• создал(а) текст
• создал(а) перевод текста
• создал(а) текст: ¹³Vellet, tiät on kučuttu Sakonan orjuuvešta elämäh omalla vallalla.^ Ka elkyä tämän vallan nimissä piäštäkkyä valloillah omua riähkähistä luontuo, vain tykäkkyä ta paššakkua toini toista. ¹⁴Vet Sakonan kaikki käšyt on yhissetty täh yhteh käškyh: «Tykkyä omua lähimmäistäš niin kuin iččieš». ¹⁵Ka kun työ purretta ta repinettä toini toista, niin varokkua, jotta että toini toista täyšin hävittäis. ¹⁶ Šentäh mie šanon: eläkkyä niin kuin Jumalan Henki käšköy, šilloin että täytä oman riähkähisen luonnon himoja. ¹⁷Niätšen ihmisen riähkähini luonto tahtou toista kuin Henki, Henki toista kuin riähkähini luonto.^ Ne nouššah toini toista vaštah, niin jotta työ että rua šitä, mitä tahtosija. ¹⁸ Vain kun Henki ollou teitä juohattamašša, niin työ että ole Sakonan vallan alla. ¹⁹Ihmisen riähkähisen luonnon ruavot ollah kaikkien nähtävissä.^ Niitä ollah huoruinta, pakana ta šiivotoin elämä, ²⁰valehjumalilla kumartamini, noituuš, viha, riijat, toiseh naiseh ta mieheh varajamini, kiukkavuš, oman hyvän tavottelu, erimielisyš, [muanitukšet], viärät opaššukšet, ²¹kajehuš, tappamiset, juopottelu, elämöinti ta muu šemmoni. Varotan teitä, niin kuin jo ennein olen varottan: ne, ket tämmöistä ruatah, ei piäššä Jumalan Valtakuntah. ²² A Jumalan Henki kašvattau meissä tykkyämistä, iluo ta rauhua.^ Še luatiu meistä käršivällisie, hyväšanasie ta hyvie.^ Še kašvattau meissä uškuo, ²³šuau miät leppeiksi ta opaštau meitä pitämäh iččie kurissa. Mikänä sakona ei ole näitä vaštah. ²⁴Ne, ket kuulutah Hristossalla, nuaklittih ristih oma riähkähini luonto kaikkien šen himojen ta tahtojen kera. ²⁵Kun kerran myö elämmä Henken varašša, niin miän pitäy antua Henken juohattua meitä. ²⁶Miän ei pie tavotella ičellänä tyhjyä kunnivuo, ei pie äršyttyä eikä kajehtie toini toista.