Тексты
Вернуться к просмотру | Вернуться к списку
Puavilan malittu filippalazien puoles
История изменений
27 августа 2024 в 14:36 Нина Шибанова
- создал(а) текст
- создал(а) перевод текста
- создал(а) текст: 3 Kiitän minun Jumalua ainos, konzu mustan teidy. 4 Ainos, konzu molimmos teijän kaikkien puoles, panen malittuu hyväs mieles, 5 sendäh gu alguudah myö olitto dai nygöi oletto yhtes meijänke jevangeliedu levittämäs. 6 Minä lujah uskon sih, gu Jumal, kudai pani alguh teis oman hyvän ruavon, vedäy sen loppuh Hristosan Iisusan tulendupäiväh suate. 7 Hyvin se i on minul muga duumaija teis kaikis, gu työ oletto minun sydämes, i ollen minä hos tyrmäs libo puolistamas da lujendamas jevangeliedu, työ kaikin oletto minunke vuittiniekat Jumalan hyvyös. 8 Jumal nägöy, kui minä atkaloičemmos da suvaičen teidy kaikkii muga, kui suvaiččou teidy Hristos Iisus. 9 Molimmos vie, gu teijän suvaičus kazvas da andas teile ainos vai enämbän tieduo da ellendysty kaikes, 10 sit työ tiijustazitto, mi on paras, da olizitto puhtahannu da soimuamattomannu Hristosan päiviä vuottajes, 11 da olizitto tävvet oigien elaijan andimii, kudamat roitahes Iisusan Hristosan kauti Jumalan kunnivokse da kiitändäkse.