Тексты
Вернуться к просмотру | Вернуться к списку
Timofei da Epafrodit
История изменений
27 августа 2024 в 16:22 Нина Шибанова
- создал(а) текст
- создал(а) перевод текста
- создал(а) текст: 19 Nad՚eičemmos Ižändäh Iisussah da uskon, voin terväh työndiä Timofeidu teijän luo.^ Ku tiijustan, kui sie dielot ollah, sit minägi suan rohkevuttu. 20 Minul ei ole nikedä hänen jyttymiä, ken nenga tovel pidäs huoldu teijän dielolois, 21 gu kaikin huolitah vai omua, a ei Iisusan Hristosan dieloloi. 22 Työ tiijättö, mittuine surematoi ruadai on Timofei: minunke yhtes häi ruadoi jevangelien hyvyökse, kui ruadas poigu tuatanke. 23 Smietin, voin työndiä händy matkah kerras, ku vai näin, midä minule rodieu. 24 Lujah uskon, minulegi Ižändy andau piästä terväh teijän luo. 25 Nygöi minä näin, pidäy työndiä teijän luo Epafrodittua, minun vellie ruavos dai toris, kudamua työ työnnittö ruadamah minule, konzu minule pidi abuu. 26 Häi sendäh atkaloičeh teidy da tuskičeh, gu työ saitto tiediä hänen voimattomukseh näh. 27 Häi tovengi oli voimatoi, oli ihan kuolemas, no Jumal žiälöičči händy, i ei vai händy, a minuugi, eiga minule roinnus uuttu tuskua endizien ližäkse. 28 Sendäh minä huolitan työndiä händy järilleh, gu uvvessah händy nähtyy työ ihastuzitto dai minulgi olis vähembi gor՚ua. 29 Ga sit vastakkua händy Ižändän täh hyväl mielel da piekkiä počotas hänen jyttymii! 30 Häi, näit, oli surman pardahal Hristosan ruavon täh, vähäs ei andanuh omua hengie, gu avvuttua minuu sit, mis työ etto voinnuh avvuttua.