Тексты

Вернуться к просмотру | Вернуться к списку

Jälgimäzet sanat da tervehyöt

История изменений

27 сентября 2024 в 13:59 Нина Шибанова

• создал(а) текст
• создал(а) перевод текста
• создал(а) текст: ⁷ Kaikes, mi koskeh minuu, sanelou teile Tihikku, armas uskovelli, surematoi abuniekku da ruadovelli Ižändän ruavos. ⁸ Työnnän händy teijän luo juuri sikse, gu häi vedäs teile viestin meis da alevuttas teijän sydämen. ⁹ Hänenke tulou surematoi da armas velli Onisimu, kudai on teigäläine. Hyö sanellah teile kaikes, midä tänne kuuluu. ¹⁰ Teile työndäy tervehytty Aristarhu, kudai istuu tyrmäs yhtes minunke, da vie Marku, Varnavan sevoitar, kudamah niškoi työ saitto käskyt.^ Vastakkua händy, gu tullou. ¹¹ Tervehytty työndäy Iisus, kudamua sanotah vie Justakse. Hyö ollah aino jevreit, kudamat ruatah yhtes minunke Jumalan valdukunnan hyvyökse, i hyö ollah minule suurennu tuvennu. ¹² Tervehytty työndäy teigäläine Epafras, Hristosan Iisusan käskyläine, kudai ainos malitus toruau teijän täh, gu työ pyzyzittö kaikes hyvänny da lujannu kaikes, mi on Jumalan tahto. ¹³ Voin tovestua, kui äijän häi nägöy vaivua teijän täh da niilöin täh, kudamat eletäh Laodikies da Ijerapol՚as. ¹⁴ Teile työtäh tervehytty armas douhturi Luka, da vie Dimas. ¹⁵ Tervehytty Laodikies olijoile vellile, Nimfa-sizärele da uskojien kanzukunnale, kudai kerävyy hänen kois. ¹⁶ Konzu tämä kirjaine roih lugiettu teijän keskes, annakkua se lugiettavakse Laodikien uskojien kanzukunnale, a työ luvekkua Laodikieh työtty kirjaine. ¹⁷ Sanokkua Arhipale: «Musta hyvin ruadua se ruado, kudaman sait Ižändäspäi». ¹⁸ Omal käil kirjutan tervehyöt teile minä, Puavil. Mustakkua minun čieppilöi. Armo olgah teijänke.