Тексты

Вернуться к просмотру | Вернуться к списку

Uuši elämä Hristossašša

История изменений

30 сентября 2024 в 12:00 Нина Шибанова

• создал(а) текст
• создал(а) перевод текста
• создал(а) текст: ¹ Kun tiät on kerran yheššä Hristossan kera noššatettu kuollehista, niin tavotelkua šitä, mi on ylähyänä taivahašša, missä Hristossa istuu Jumalan oikiella puolella. ²Ajatelkua šitä, mi on taivahašša, elkyä šitä, mi on muan piällä. ³Työhän oletta kuollun, ta tiän elämä on Hristossan kera peitetty Jumalah. ⁴ Konša Hristossa, tiän elämä, tulou uuvveštah, šiitä työ niise tuletta Hänen kera jumalallisešša valošša. ⁵Niin jotta tappakkua še, mi teissä on muallista: huoruinta, pakanuš, pahat runkon himot, muut pahat himot ta ahnehuš, kumpani on valehjumalilla kumartamista. ⁶Niijen tähen Jumalan viha lankieu tottelomattomien ihmisien piällä. ⁷Tuommosien himojen vallašša työ ičeki ennein elijä. ⁸A nyt jättäkkyä kaikki nämä: viha, karjumini, pahuš, pahat šanat toisista ta šiivottomat pakinat. ⁹Elkyä valehelkua toini toista.^ Työ vet jakšoja piältänä teissä ollehen «vanhan ihmisen» ta kaikki šen ruavot ¹⁰ta šuoriutuja uuteh ihmiseh. Tämä uuši ihmini aina vain uuvvistuu, jotta vois opaštuo paremmin tuntomah oman Luatijan ta tulla Hänen moisekši. ¹¹ Šilloin ei ole enämpi merkityštä šillä, onko ken kreikkalaini vain jevrei, laitaleikattu vain laitaleikkuamatoin, varvara vain skifiläini, orja vain omavaltani.^ Hristossa on kaikki ta Hiän on kaikissa. ¹² Jumala on valinnun tiät, työ oletta pyhie ta Hänellä armahie.^ Olkua šentäh aina armollisie, hyväšanasie, nöyrie, olkua leppiet ta käršivälliset. ¹³Pitäkkyä huolta, jotta tuletta toimeh keškenäh.^ Prostikkua toini toista, kun kellä ollou mitä toista vaštah.^ Niin kuin Hristossa prosti teitä, niin työ niise prostikkua. ¹⁴ Kaikista piällimmäisenä olkah teilä tykkyämini, še niät šitou kaiken täyvellisešti yhteh. ¹⁵Hallikkah tiän šytämissä Jumalan rauha.^ Täh rauhah tiät on yhen ta šaman runkon ošina kučuttu.^ Muistakkua kiittyä. ¹⁶Antakkua Hristossan šanan elyä teissä yllinkyllisešti. Opaštakkua ta neuvokkua toini toista kaikella viisahuolla.^ Laulakkua kiitollisin mielin Hospotilla psalmija, kiitošviršie ta henkellisie lauluja. ¹⁷Mitäi ruatanetta, šanoin tahi käsin, ruatakkua kaikki Hospotin Iisussan Hristossan nimeššä, ta kiittäkkyä Jumalua, miän Tuattuo, Hänen kautti.