Тексты

Вернуться к просмотру | Вернуться к списку

2 Puavilan ruado Fessalonikas

История изменений

03 октября 2024 в 16:15 Нина Шибанова

• изменил(а) заголовок перевода
  с Первое послание к Фессалоникийцам (Солунянам). 2:1-16
  на Первое послание ап. Павла к Фессалоникийцам (Солунянам). 2:1-16

30 сентября 2024 в 14:59 Нина Шибанова

• создал(а) текст
• создал(а) перевод текста
• создал(а) текст: ¹ Työ ičegi tiijättö, vellet, gu meijän käyndy teijän luo ei mennyh sudre. ² Hos enne sidä myö näimmö gor՚ua da meidy piettih pahoi Filippas, kui työ tiijättö, no meijän Jumalan avul myö julgiesti sanelimmo teile Hänen jevangeliedu suuren vastustandan keskel. ³ Meijän kehitändät ei nosta yöksynyzis mielis, ei paganmielis eigo muanituksis. ⁴ Kui Jumal kačoi meidy pädijöikse da andoi meile jevangelien, mugai myö sanelemmo sidä, ei sikse, gu ugodie rahvahale, a sikse, gu ugodie Jumalale, kudai oppiu meijän mielii. ⁵ Myö nikonzu emmo olluh libeikielizet, sen työ tiijättö, emmogo peitoči eččinyh ičele hyviä, sen nägöy Jumal. ⁶ Emmo myö eččinyh rahvahan čestii, emmogo teis, emmogo muis, ⁷ hos Hristosan apostoloinnu olles voinnuzimmo tulla suurinnu.^ A myö olimmo teijän keskes leppeisydämellizenny kui muamo, kudai imettäy da ämmättäy omii lapsii. ⁸ Myö suvaičimmo teidy muga äijäl, ga olimmo valmehet andamah teile Jumalan jevangelien ližäkse oman ičengi; moizet armahat työ meile rodiittokseh. ⁹ Vellet, mustattohäi meijän jygien ruavon da vaivat.^ Konzu sanelimmo teile Jumalan jevangeliedu, myö vie ruavoimmo palkuruaduogi yöt dai päivät, gu ei jyvendiä teijän elaigua. ¹⁰ Työ da vie Jumal oletto tovendajannu, kui puhtahat, oigiet da vijattomat myö olimmo teijän, uskojien ies. ¹¹ Ičegi tiijättö, kui myö kehitimmö teidy da ližäimmö rohkevuttu jogatoizele teis, kui tuatto omile lapsile, ¹² da pripevöičimmö teile, gu eläzittö, kui pidäy eliä Jumalan mugah, Hänen mugah, kudai kuččuu teidy omah valdukundah da taivahallizeh valgieh. ¹³ Myö heittelemättäh kiitämmö Jumalua vie sit, gu meis kuultun Jumalan sanan suaduu, työ otitto sen, ei ristikanzan sanannu, a senny, mi se toven on: Jumalan sanannu, kudai i ruadau teis, uskojis. ¹⁴ Nenga teis, vellet, on roinnuh Juudies olijoin, Hristosale Iisusale kuulujien Jumalan kanzukundien noudajat.^ Juuri mostu gor՚ua työ fessalonikalazet näittö omamualazis, kui Juudien uskojat jevreilöis. ¹⁵ Jevreit tapettih Ižändy Iisus, dai Jumalan iänenkandajat, meidygi hyö äijäl painettih. Hyö ei olla Jumalale mieldy myö da ollah kaikkii rahvahii vastah, ¹⁶ i ei anneta meile paista Jumalua tundemattomien rahvahienke, gu netgi piästäs.^ Nenga hyö ainos vai täytetäh omien riähkien miäriä. No Jumalan viha heidy vastah täytyi tävvekse.