Тексты

Вернуться к просмотру | Вернуться к списку

Puavila tahtou käyvä Fessalonikašša

История изменений

03 октября 2024 в 16:18 Нина Шибанова

• изменил(а) заголовок перевода
  с Первое послание к Фессалоникийцам (Солунянам). 2:17-20 - 3:1-13
  на Первое послание ап. Павла к Фессалоникийцам (Солунянам). 2:17-20 - 3:1-13

01 октября 2024 в 12:17 Нина Шибанова

• создал(а) текст
• создал(а) перевод текста
• создал(а) текст: ¹⁷ Vellet, kun myö joutuma olomah teistä kotvasen aikua erošša, niin työ kuitenki olija miän šytämeššä, vaikka šilmillä emmä teitä nähnyn.^ Myö kovašti kaipasima teitä ta miän himotti teitä nähä. ¹⁸Šentäh meinasima tulla käymäh tiän luo – miula, Puavilalla, oli montaki kertua meininki tulla – ka šaatana pijätteli meitä. ¹⁹Juuri työ oletta miän toivo, ilo ta ylpevyš miän Hospotin Iisussan Hristossan ieššä, konša Hiän tulou. ²⁰Teistä myö šuamma kunnivuo ta iluo. 3 ¹ Kun emmä voinun enämpi keštyä eruo, piättimä iče jiähä Afiinah, ²a tiän luo työnsimä Timofein. Timofei on miän uškovelli ta Jumalan ruatotovarissa, kumpani yheššä miän kera šanelou Hyvyä Viestie Hristossašta. Työnsimä hänet lujentamah teitä ta rohkistamah ušošša, ³jotta kenkänä teistä ei horjuis nykysissä ahissukšissa.^ Vet työ tiijättä, jotta tämä on miän oša. ⁴ Tiän luona ollešša, myö jo ieltäpäin pakasima, jotta meitä ruvetah ajelomah.^ Ta juštih niin käviki, niin kuin tiijättä. ⁵Šentäh en keštän pitemmälti, ka työnsin Timofein tiijuštamah, pisyykö tiän uško lujana.^ Mie niät varasin, jotta muanittaja šai tiät muanittua, ta kaikki miän staraimini mänöy tyhjäh. ⁶ Nyt Timofei on tullun tiän luota jälelläh tänne ta tuonun meilä hyvie uutisie tiän ušošta ta toini toisen tykkyämiseštä.^ Hiän šano, jotta työ muisteletta meitä aina hyvällä ta ikävöičettä meitä kuin ni myö teitä. ⁷Vellet, kaikkien miän vaivojen ta ahissukšien kešeššä viesti tiän ušošta anto meilä rohkevutta. ⁸Nyt myö voimma tuaš elyä ielläh, kun kerran työ pisyttä lujašti Hospotissa. ⁹Mitein voisima tarpehekši kiittyä Jumalua teistä ta kaikešta šiitä ilošta, mi meilä on Jumalan ieššä tiän vuokši? ¹⁰Yötä päivyä myö täyveštä šytämeštä moliuvumma, jotta šaisima nähä teitä ta voisima antua teilä šen, mitä vailla tiän uško vielä on. ¹¹Iče Jumala, miän Tuatto, ta miän Hospoti Iisussa Hristossa avakkah meilä tien tiän luo. ¹²Lisäkkäh Hospoti teilä aina vain enämmän toini toisen ta kaikkien ihmisien tykkyämistä.^ Tykäkkyä työ heitä, niin kuin myö tykkyämmä teitä. ¹³ Lujentakkah Hospoti tiän šytämet, jotta ne oltais pyhät ta vijattomat miän Jumalan ta Tuaton ieššä, konša miän Hospoti Iisussa Hristossa tulou kaikkien omien pyhien kera. Amin.