Тексты

Вернуться к просмотру | Вернуться к списку

Hospotin päivän vuottamini

История изменений

03 октября 2024 в 16:22 Нина Шибанова

• изменил(а) заголовок перевода
  с Второе послание к Фессалоникийцам (Солунянам). 1:3-12
  на Второе послание ап. Павла к Фессалоникийцам (Солунянам). 1:3-12

03 октября 2024 в 14:32 Нина Шибанова

• создал(а) текст
• создал(а) перевод текста
• создал(а) текст: ³ Miän pitäy aina kiittyä Jumalua tiän tähen, vellet.^ Ta oikein onki, jotta niin ruamma, šentäh kun tiän uško kašvamistah kašvau ta toini toisen tykkyämini lisäytyy teissä kaikissa. ⁴Myö ylpienä kerromma teistä Jumalan uškojakunnissa.^ Myö olemma ylpiet tiän ušošta ta šiitä, jotta keššättä kaikissa ajelomisissa ta muokissa, kumpasie työ jouvutta käršimäh. ⁵Täštä näkyy, jotta Jumalan suutu on oikie.^ Hiän hyväkšyy tiät omah Valtakuntah, kumpasen takie työ nyt käršittäki. ⁶ Jumala on oikiemielini: Hiän makšau ahissukšella tiän ahistajilla. ⁷A ahissetut, niin tiät kuin miätki, Hiän piäštäy ahissukšista, konša Hospoti Iisussa omien väkövien anhelien kera ilmeštyy taivahašta. ⁸Hiän tulou roihuojan tulen kešeššä ta kurittau niitä, ket ei tiijetä Jumalua eikä totella miän Hospotin Iisussan Hristossan Hyvyä Viestie. ⁹Heijän kuritukšena on ilmasenikuset uatun muokat.^ Hiät erotetah Hospotista, eikä hyö piäššä näkömäh Hänen voimua ta jumalallista valuo. ¹⁰Näin käypi šinä päivänä, konša Hospoti tulou, jotta Hänen pyhät kunnivoitettais ta kaikki uškojat kiitettäis Häntä.^ Työ niise oletta heijän joukošša, šentäh kun uškoja miän tovissukšeh. ¹¹ Juuri täštä šyyštä myö moliuvumma aina tiän puolešta.^ Miän Jumala on kuččun tiät omikseh, ta myö molimma, jotta työ oisija tämän kučun arvosie.^ Šamoin molimma, jotta Hiän voimallah auttais teitä tiän kaikissa hyvissä meininkilöissä ta šuattais loppuh ne ruavot, mit tovissetah tiän ušošta. ¹²Tällä keinoin työ toisija kunnivuo miän Hospotin Iisussan Hristossan nimellä.^ Ta Hiän tois kunnivuo teilä miän Jumalan ta Hospotin Iisussan Hristossan armon mukasešti.