Тексты
Вернуться к просмотру | Вернуться к списку
Vardoiččei vierahii opastandoi
История изменений
04 октября 2024 в 11:42 Нина Шибанова
- создал(а) текст
- создал(а) перевод текста
- создал(а) текст: 3 Kehitän sinuu, kui kehitin Makedoniehgi lähtijes: jiä Efessah da käske sie erähile, gu hyö ei opastettas vierahii opastandoi 4 da ei menetettäs aigua tyhjih zuakkunoih da loppemattomih rodulangoin luvettelendoih. Net tuvvah vai kiistoi, eigo vietä ielleh Jumalan mielii – sen voibi luadie vai usko. 5 Meijän kehitändän tarkoituksennu on nostattua suvaičustu, kudai tulou puhtahas sydämes, riähkättömäs henges da toven uskos. 6 Erähät hairottih, kiännyttih iäre nämis opastandois da ruvettih blažimah midä puuttuu. 7 Hyö tahtotah olla zakonanopastajannu, hos ei ellendetä, midä iče paistah, da mih niškoi nenga lujah kiistetäh. 8 Myö kaikin tiijämmö: zakon on hyvä, gu sidä pietäh zakonannu. 9 Eihäi zakon ole luajittu putin ristikanzoih niškoi.^ Zakon on luajittu moizih niškoi, kudamat eletäh, buitegu zakonoi ni olis ei, da moizih niškoi, kudamat nostah valdua vastah.^ Se on luajittu jumalattomih da riähkähizih niškoi da niilöih niškoi, kudamat ei kunnivoija Jumalua da kudamat luajitah paganakse se, mi on pyhä. Se on luajittu oman tuatan da muaman tappajih da muijien ristikanzoin tappajih niškoi. 10 Se on luajittu karguajih niškoi, miehenke maguajih miehih niškoi, rahvahien varrastajih, kielastelijoih, suvvos kielahan sanan andajih niškoi i kaikkeh moizeh niškoi, mi on tervehii opastandoi vastah. 11 Nenga sanou jevangelii, kudai ylendäy Jumalan valgiedu.^ Tämä jevangelii on annettu minule levitettäväkse.