Тексты
Вернуться к просмотру | Вернуться к списку
Mittumannu pidäy olla uskojien kanzukunnan kaččojal?
История изменений
04 октября 2024 в 12:45 Нина Шибанова
- создал(а) текст
- создал(а) перевод текста
- создал(а) текст: 1 Uskottavu on sanondu: ken tahtou piästä uskojien kanzukunnan kaččojan ruadoh, se hyväh ruadoh tahtou. 2 Kanzukunnan kaččojannu pidäy olla mies, kudamua ei ole mis moittie, yhten naizen ukko, selgiel piäl da oigieh eläjy, vagavumieline da ičenkaččoi, rahvahansuvaiččii da hyvä opastai, 3 ei humalniekku, ei toračču, a hil՚l՚aine da hyväsanaine, i ei d՚engansuvaiččii. 4 Hänel pidäy hyvin pidiä käzis omua perehty, kaččuo, gu lapset kuultas sana da počitoittas kaikkii. 5 Gu ken ei voinne pidiä käzis omua perehty, kuibo sit häi voibi huolie Jumalan kanzukundua? 6 Kaččojannu ei sua olla vaste uskoh kiändynyöl, gu häi ei rodies ylbiekse da ei rodies suuditukse moizel suvvol kui pahalaine. 7 Hänel pidäy olla hyväl kuulužu uskojien kanzukunnan ulgopuolelgi, gu hänes ei paistas pahua da gu häi ei puuttus pahalazen verkoloih.