Тексты

Вернуться к просмотру | Вернуться к списку

Viimesie neuvoja

История изменений

10 октября 2024 в 15:17 Нина Шибанова

• создал(а) текст
• создал(а) перевод текста
• создал(а) текст: ⁹ Kuottele piäššä rutompah miun luo. ¹⁰Dimas mielty täh muailmah, jätti miut ta läksi Fessalonikkah.^ Kreskent mäni Galatijah ta Tiitta Dalmatijah.^ Vain Lukka on tiälä miun kera. ¹¹ Ota Markki matkahaš ta tuo tänne, šentäh kun häneštä on miula hyötyö täššä ruavošša. ¹² Tihikan mie työnsin Efessah. ¹³Konša lähet, tuo tulleššaš miun sviitka, kumpasen jätin Troadah Karpan luo, ta tuo kirjat, varšinki pergamentilla kirjutetut. ¹⁴ Vaškišeppä Aleksanteri luati miula äijän pahua. Hospoti makšakkah hänellä hänen ruatojen mukah. ¹⁵Šie niise varo häntä, hiän äijälti vaššuštau miän opaššušta. ¹⁶ Konša enšimmäisen kerran puolistauvuin suutun ieššä, ketänä ei ollun miun tukena, kaikin jätettih miut. Elkäh Jumala pankah šitä heilä vijakši! ¹⁷Hospoti kuitenki oli miun kera ta anto miula voimua, jotta voisin vetyä loppuh šuate Hyvän Viessin šanelomisen, anna kaikki kanšat kuultais še. Ta niin mie piäsin leijonan leukapielistä. ¹⁸Hospoti pelaštau miut iellähki kaikešta pahašta ta viey omah taivahaiseh Valtakuntah.^ Hänellä kunnivo aina ta ilmasen ijän! Amin.