Тексты

Вернуться к просмотру | Вернуться к списку

Tervehen opaššukšen mukani elämä

История изменений

15 октября 2024 в 14:43 Нина Шибанова

• создал(а) текст
• создал(а) перевод текста
• создал(а) текст: ¹ Šiun pakinat olkah tervehen opaššukšen mukaset. ²Olkah vanhat miehet šelväpäisie, vakavie ta ičenpijättelijie.^ Olkah heilä terveh uško, tykäkkäh hyö toisie ta olkah käršivällisie. ³ Vanhojen naisien pitäy niise elyä niin kuin pyhien kuuluu.^ Heijän ei šua paissa muista pahua eikä tottuo viinah, vain heijän pitäy opaštua toisie hyväh. ⁴Heijän pitäy neuvuo nuorie naisie tykkyämäh omua mieštä ta lapšie. ⁵ Nuorien naisien pitäy olla vakavina ta puhašmielisinä, heijän pitäy pityä hyvyä huolta kojistah ta taipuo oman miehen tahtoh.^ Šilloin ei niken voi paissa pahua Jumalan šanašta. ⁶Nuorempie miehie käše pitämäh mieli kurissa. ⁷ Hyvän ruatamisešša ole kaikilla mallina.^ Olkah šiun opaššuš rehellistä, arvokašta ta puhašta. ⁸ Šiun pakinat olkah tervehie ta vailla mitänä moitittavua.^ Šiitä šiun vaššuštajat jouvutah häpieh, šentäh kun ei voija šanuo meistä mitänä pahua. ⁹Orjie neuvo kaikešša taipumah omien isäntien tahtoh ta ruatamah heijän mieltä myöten.^ Heijän ei šua panna isännällä vaštah ¹⁰eikä varaššella. A heijän pitäy aina näyttyä, jotta ollah kunnollisie ta heih voit luottua.^ Ta niin hyö kaikešša tuuvvah kunnivuo Jumalan, miän Pelaštajan, opaššukšella. ¹¹ Jumalan armo niät jiäviyty, jotta kaikki ihmiset pelaššuttais. ¹² Še armo opaštau meitä jättämäh jumalattomuš ta muailman himot, še opaštau elämäh täššä muailmašša vakavašti, oikiemielisešti ta Jumalua varaten. ¹³ Näin miän pitäy elyä, kuni vuotamma šitä päivyä, konša miän kallis toivo tulou tovekši: šuuri Jumala ta miän Pelaštaja Iisussa Hristossa tulou omašša jumalallisešša valošša. ¹⁴Hiän anto oman henkeh miän puolešta.^ Tällä keinoin Hiän piäšti miät kaiken pahan vallašta ta puhisti omakši kanšakšeh, kumpani kaikin voimin ruatau hyvyä. ¹⁵Näin šiun pitäy paissa uškojilla, rohkistua ta neuvuo heitä kaikella šillä vallalla, mi šiula on.^ Eikäi kenen pie pienekšie šilma.