Тексты

Вернуться к просмотру | Вернуться к списку

Mitein uškojien pitäy elyä täššä muailmašša?

История изменений

15 октября 2024 в 15:08 Нина Шибанова

• создал(а) текст
• создал(а) перевод текста
• создал(а) текст: ¹ Muissuta kaikilla, jotta heijän pitäy taipuo piämiehien ta muijen vallanpitäjien tahtoh.^ Heijän pitäy olla tottelijina ta valmehina ruatamah kaikkie hyvyä. ²Heijän ei šua paissa pahua keštänä eikä riijellä, vain heijän pitäy olla hyväšanasie ta leppeitä kaikilla ihmisillä. ³Myö niise olima tolkuttomie ta tottelomattomie, olima ekšykšissä, kaikenmoisien pahojen himojen ta makien elämän orjie.^ Myö elimä kaiken pahan ta kajehukšen vallašša.^ Meitä vihattih ta myö vihasima toini toista. ⁴ A konša tuli näkyvih Jumalan, miän Pelaštajan, hyvyš ta armaššuš ihmisie kohen, ⁵Hiän pelašti miät. No še ei ollun miän hyvien ruatojen tähen, kun Hänen armošta.^ Hiän pelašti miät pešömällä puhtahiksi, ta niin myö šyntymä uuvveštah ta Pyhä Henki uuvvisti miät. ⁶Tämän Henken Jumala valutti šiästämättä miän piällä miän Pelaštajan Iisussan Hristossan kautti, ⁷jotta myö Hänen armošta kelpuasima Hänellä ta šaisima perinnökši ilmasenikusen elämän, niin kuin toivomma. ⁸Näih šanoih voipi uškuo. Mie tahon, jotta šie aina muissuttaisit näistä as's'oista, anna ne, ket ušotah Jumalah, staraitais ruatua hyvyä.^ Tämä on kaikilla hyväkši ta hyövykši. ⁹Pisy loittuona tyhjänpäiväsistä kiissoista ta heimokuntaluvetteloista eläkä riitele ta kiivaštele Sakonašta.^ Še kaikki on hyövytöintä ta tyhjänpäiväistä. ¹⁰Kun ken hajottanou uškojakuntua, šemmoista ihmistä enšin varota kerran tahi kahičči.^ Kun hiän ei uškone, pisy häneštä loitompana. ¹¹ Šiehän tiijät, jotta tuommoni ihmini on kuin kieroh kašvanut puu, hiän eläy riähäššä.^ Hiän on jo iče suutin iččeh viäräkši.