Тексты

Вернуться к просмотру | Вернуться к списку

Jumalan Poigu on anheliloi suurembi

История изменений

24 октября 2024 в 12:13 Нина Шибанова

• создал(а) текст
• создал(а) перевод текста
• создал(а) текст: ⁵ Eihäi nikonzu Jumal ni yhtele anhelile sanonuh: – Sinä olet Minun Poigu, tänäpäi Minä sain Sinuu. Eigo sanonuh: – Minä roimmos Hänen Tuatakse, a Häi rodieu Minun Poijakse. ⁶ Da vie, konzu Jumal tuou Enzipoijan muailmah, Häi sanou: – Anna kumardetahes Hänele kai Jumalan anhelit. ⁷ Anheliloih näh Häi sanou: – Häi luadiu omat anhelit tuulikse, omat sluužijat – tulen kielikse. ⁸ A Poigah näh sanou: – Sinun prestol, Jumal, pyzyy ainos dai ilmazen ijän; Sinun vallan savakko on oigevuon savakko. ⁹ Sinä suvaičit oigevuttu da vihait pahuttu.^ Sikse Jumal, Sinun Jumal, voideli Sinuu ilon pyhävoil enämbäl gu toizii Sinunke olluzii. ¹⁰ I vie sanou: – Sinä, Ižändy, allus panit muan alustan, Sinun käzil on luajittu taivahat. ¹¹ Net hävitäh, a Sinä pyzyt. Net kai kulutah gu soba, ¹² Sinä kiärit net tukkuh gu sobašviitkan, net muututah gu sovat, a Sinä olet ainos yhtenmoine, Sinun vuvvet ei loppei. ¹³ Ni yhtele anhelile Jumal nikonzu ei sanonuh: – Istoi Minun oigieh čurah, kuni Minä panen Sinun vihaniekkoi Sinun jalloin alle. ¹⁴ Eigo anhelit olla sluužijat henget?^ Heidy on työtty sluužimah niilöile, kudamat suajah piäzendy.