Тексты
Вернуться к просмотру | Вернуться к списку
Älgiä heitäkkiä uskondua!
История изменений
25 октября 2024 в 14:18 Нина Шибанова
- создал(а) текст
- создал(а) перевод текста
- создал(а) текст: 11 Äijy olis meil täh niškoi sanottavua, no ei ole kebjei sellitellä teile nämii kohtii, gu työ etto tahto ellendiä, midä teile sanotah. 12 Aigua myö teil jo pidäs olla opastajinnu, a teidy iččie myös pidäy opastua; teile pidäy opastua Jumalan sanua ihan alluspäi.^ Teidy pidäy syöttiä maijol, a ei koval syömizel. 13 Jogahine, ken eläy maijol, on gu pieni lapsi, häi ei tiijä, mi on oigei. 14 A kova syömine on vahnembih niškoi, niilöih niškoi, kudamile elaigu on andanuh mieldy eroittua hyvä pahas. 6 1 Sendäh jätäkkiämmö tuakse Hristosan opastandoin enziaskelet da kazvakkuammo täyzi-igäzikse. Emmo rubie uvvessah luadimah alustua: opastamah mostu gu kiännyndy tyhjis ruadoloispäi da usko Jumalah, 2 opastamah ristindöih da käzien piän piäle panendah näh, kuollieloisnouzendah da ilmanigäzeh suudoh näh. 3 Emmo azetu nämih, a menemmö ielleh, gu andanou Jumal. 4 Net, kudamat jo kerran piästih valgieh, opittih taivahallistu lahjua, suadih yhtes toizienke Pyhä Hengi, 5 opittih Jumalan sanan hyvytty da tulien muailman vägilöi, 6 no hyllättih usko, heidy ei sua kiännyttiä uvvessah, gu hyö myös nuaglitah ristah Jumalan Poigua da pannah Händy kaikkien nagrettavakse. 7 Mua, kudai imöy vihmat, kudamat sidä puaksuh valellah, da kazvattau vil՚l՚an muan ižändile, se mua suau blahosloven՚n՚an Jumalaspäi. 8 No ku se kazvatannou ohtoidu da piidoidu, se on pädemätöi mua, sen piäl on kirovo, i lopukse se poltetah. 9 Hos i pagizemmo nenga, armahat, yksikai myö lujah uskommo, työ oletto kui se hyvä mua, i teidy vuottau piäzendy. 10 Eihäi Jumal ole viäryönluadii, ei Häi unohta teijän ruadoloi eigo suvaičustu, kudamua työ ozutitto Hänen nimele, gu avvutitto Häneh uskojii da viegi avvutatto. 11 Tahtommo vai, gu jogahine teis loppuh suate ozuttas nengostu rad՚en՚n՚ua, gu suaja se hyvä, kudamua vuotatto. 12 Anna työ etto laškenis, a ottazitto kuavua niilöis, kudamat uskottih, tirpettih da vuotettih i sikse suajah se, midä Jumal uskaldi.