Тексты

Вернуться к просмотру | Вернуться к списку

Kakši ylipappie: Aaroni ta Hristossa

История изменений

05 ноября 2024 в 12:05 Нина Шибанова

• создал(а) текст
• создал(а) перевод текста
• создал(а) текст: ¹Jokahini ylipappi valitah ihmisien joukošta ta ašetetah ihmisien puolešta sluušimah Jumalalla.^ Hiän tuou Jumalalla lahjoja ta uhrija riähkien prostimisekši. ²Šentäh kun hiän ičeki on heikko, hiän šuattau šaleija tietämättömie ta erehtyjie. ³Oman heikkouven vuokši hänen pitäy uhrata niin omien riähkien kuin kanšanki riähkien puolešta. ⁴Kenkänä ei iče ota ylipapin arvuo ičelläh, vain hänet kuččuu šiih virkah Jumala, kumpani kučču jo Aaronin. ⁵Šamoin Hristossa niise ei iče korottan iččieh ylipapin arvoh, vain Hänet korotti Jumala, kumpani šano Hänellä: – Šie olet Miun Poika, tänäpiänä Mie šain Šiut. ⁶ Ta toisešša Pyhien Kirjutukšien kohašša Jumala šanou: – Šie olet Pappi ilmasen ijän, šemmoni kuin oli Melhisedekki. ⁷ Muallisen elämän aikana Iisussa iäneh itkien moli ta karju avukšeh Jumalua, kumpasella oli valta pelaštua Hänet kuolomašta.^ Jumala kuuli Iisussan malitun, šentäh kun Hiän taipu Jumalan tahtoh. ⁸Vaikka Hiän oli Poika, Hiän joutu käršimykšien kautti opaštumah tottelijakši. ⁹Kun Hiän oli ruatan kaiken, mitä piti, Häneštä tuli ilmasenikusen pelaššukšen tuoja, kaikkien niijen Pelaštaja, ket totellah Häntä. ¹⁰Häneštä tuli Jumalan ašettama Ylipappi, šemmoni kuin Melhisedekki.