Тексты

Вернуться к просмотру | Вернуться к списку

Melhisedekin moini uuši Pappi

История изменений

05 ноября 2024 в 14:57 Нина Шибанова

• создал(а) текст
• создал(а) перевод текста
• создал(а) текст: ¹⁵ As's'an luatiu vielä šelvemmäkši še, jotta uuši Pappi, kumpani tuli, on Melhisedekin moini. ¹⁶Hiän ei perin papin ruatuo tuattoloiltah, niin kuin käšköy Sakona, vain šai šen häviemättömän elämän voimašta. ¹⁷Häneštä Pyhät Kirjutukšet tovissetah näin: – Šie olet Pappi ilmasen ijän, šemmoni kuin oli Melhisedekki. ¹⁸ Näin kumotah vanha Sakonan käšky leeviläisistä pappiloista ta heijän ruavošta, šentäh kun še käšky oli voimatoin ta hyövytöin. ¹⁹ Eihän Sakona luatin ketänä Jumalan mielen mukasekši.^ Šen tilah myö šaima parempua: šaima toivon, kumpasen varašša myö voimma läheštyö Jumalua. ²⁰ Pitäy vielä muistua Jumalan pošiutumini. ²¹Leevin heimon miehistä tuli pappija ilmain pošiutumista.^ No täštä toisešta, Iisussašta, tuli Pappi šentäh, kun Jumala pošiutumalla lujitti Hänen pappina olomisen.^ Hänellä kun oli šanottu: – Hospoti pošiutu eikä muuta mieltäh.^ Hiän šano: Šie olet Pappi ilmasen ijän, šemmoni kuin oli Melhisedekki. ²² Täštä niämmä, mitein luja on še Šopimuš, kumpasen Puolistajana on Iisussa. ²³ Vanhan Šopimukšen aikasie pappija oli äijän, šentäh kun hyö kuoloman takie jouvuttih jättämäh oma ruato. ²⁴ No Iisussa pisyy ilmasen ijän, ta niin Hänen papin ruato niise on ilmasenikuni. ²⁵ Šentäh Hiän voit nyt ta aina pelaštua niitä, ket Hänen kautti tullah Jumalan luokši.^ Hiän eläy ikusešti, jotta vois molie heijän puolešta. ²⁶ Juuri tämmöni Ylipappi meilä pitäyki olla.^ Hiän on pyhä, vijatoin ta puhaš.^ Hänet erotettih riähkähisistä ta noššettih taivahie korkiemmalla. ²⁷Hänen ei tarviče uhrata niin kuin muijen ylipappien joka päivä enšin omien riähkien ta šiitä rahvahan riähkien vuokši.^ Hiän anto yhen uhrin, konša anto uhriksi Iččeh, ta še uhri riittäy kaikiksi ajoiksi. ²⁸Sakona luatiu ylipappija ihmisistä, kumpaset ollah heikkoja.^ No Sakonua myöhemmin Jumala pošiutumalla nošti ilmasenikusekši Ylipapiksi oman Pojan.^ Poika on ruatan kaiken, mitä Jumala tahto.