Тексты
Вернуться к просмотру | Вернуться к списку
Šokšus eläbzuiba savibobaižed
История изменений
20 декабря 2024 в 16:56 Нина Шибанова
- создал(а) текст
- создал(а) текст: Šokšun školan lapsed ühtes opendajidenke tegiba sarnan savesižišpäi bobaižišpäi da kuvaziba videon. Šokšun školan openikad eläbzoitiba savesižid bobaižid. Videon pohjaze om pandud “Kondi da reboi” -vepsän rahvahan sarn. Lapsile tuli mel’he idei kuvata sarn videole. Neche radho ühtni nel’l’ last – 10. da 11. klassoiden openikad. Mugažo sarnan täht üks’ openik 7. klassaspäi täputi plastilinaspäi murahaižen – necidä živatad ei olend savesižiden bobaižiden keskes. – Idei “eläbzoitta” savesižiden bobaižiden ozutelust tuli meiden školan pämehele, Nina Nikolajevna Koren’kovale. A minä ühtes openikoidenke todenzoitin necen idejan eloho, – starinoiči Šokšun školan vepsän kelen opendai Gleb Fomin. Sarnan pähenged oma “Ojatin keramik” -ozutelusen bobaižed. Nece ozuteluz ajeleb vepsän madme jo amu. Oli se Petroskoiš-ki. Nügüd’ ozuteluz ihastoitab Šokšun školan openikoid: hö kävutoitiba sidä erazvuiččil mahtoil vepsän kelen opendamižes. Sarnan tegemine savibobaižišpäi om üks’ “Muzejiden marafon: sugupol’viden dialog” -projektan azjtegoišpäi, mitte tehtas Kul’turižiden iniciativoiden prezidentan fondan rahatugel.