Тексты

Вернуться к просмотру | Вернуться к списку

Antihristu, Hristosan vastustai

История изменений

24 декабря 2024 в 14:22 Нина Шибанова

• создал(а) текст
• создал(а) перевод текста
• создал(а) текст: ¹⁸ Lapset, nygöi ollah jälgimäzet aijat. Työ kuulitto, on tulemas antihristu, i nygöi on jo jiävinyhes äijy antihristua.^ Sit myö tiijämmö: nygöi ollah jälgimäzet aijat. ¹⁹ Nämä ristikanzat lähtiettih meijän joukospäi, no hyö ei ni oldu meijän.^ Gu hyö oldanus meijän, hyö pyzytännys meijän joukos. No heijän lähtendy ozutti sen, gu ei kaikin olla meijän. ²⁰ A teidy on voijelluh Pyhä, i kaikin työ tiijättö toven. ²¹ Minä kirjutan teile ei sikse, gu työ etto tiedäs praudua, a sikse, gu työ tiijättö sen da ellendättö: ni mi kielastus ei tule tovespäi. ²² Ga kenbo sit on kielastai, gu ei se, kudai sanou: Iisus ei ole Hristos? Moine ristikanzu on antihristu, häi on hyllännyh kui Tuatan, mugai Poijan. ²³ Ken hylgiäy Poijan, sil ei ole Tuattuagi, no ken ottau Poijan, sil on Tuattogi. ²⁴ Pyzykkäh teis se, min työ kuulitto allus algajen.^ Gu se, min työ kuulitto allus algajen, pyzynöy teis, sit työgi pyzyttö Poijas da Tuatas. ²⁵ A se, min Häi uskaldi meile, on tämä: ilmanigäine elos. ²⁶ Tämän minä kirjutin teile niilöih näh, kudamat tahtotah yöksyttiä teidy. ²⁷ No teis pyzyy se voidelu, kudaman työ saitto Pyhäspäi, i teile ei pie nikenen opastandoi.^ Hänen voidelu opastau teidy kaikes, i se voidelu on tovelline, ei ole kielas.^ Kui se voidelu teidy opasti, mugai pyzykkiä Hänes.