Тексты

Вернуться к просмотру | Вернуться к списку

Antihristossa, Hristossan vaššuštaja

История изменений

17 января 2025 в 15:16 Нина Шибанова

• создал(а) текст
• создал(а) перевод текста
• создал(а) текст: ¹⁸ Lapšet, nyt on viimeni aika. Työ oletta kuullun, jotta on tulošša antihristossa, Hristossan vaššuštaja.^ Monta antihristossua on nyt tullunki, ta šiitä myö tiijämmä, jotta on viimeni aika. ¹⁹ Hyö on lähetty miän joukošta, no hyö ei kuiteski oltu miän joukkuo. Kun hyö ois oltu miän joukkuo, niin hyö ois pisytty miän kera. No hyö lähettih pois, ta šiitä näky, jotta ei kaikin kuuluta meih. ²⁰Työ oletta Pyhän voitelomat ta tiijättä kaiken. ²¹ En mie šentäh kirjuta teilä, jotta työ muka että tunsis tositietuo.^ Kirjutan šentäh, kun työ tunnetta šen ta tiijättä, jotta mikänä valeh ei ole tositiijošta lähtösin. ²² Kenpä šilloin on valehtelija?^ Valehtelija on še, ken šanou, jotta Iisussa ei ole Hristossa. Šemmoni ihmini on antihristossa, hiän kieltäytyy Tuatošta ta Pojašta. ²³Ken kieltäytyy Pojašta, šillä Tuattuo niise ei ole.^ Ken omaštau Pojan, šillä on Tuattoki. ²⁴ Pisykkäh teissä še šanoma, min työ kuulija jo alušša.^ Kun še šanoma, min työ kuulija alušta šuate, pisynöy teissä, niin työ niise pisyttä Pojašša ta Tuatošša. ²⁵Ta še, min Hiän meilä lupasi, on ilmasenikuni elämä. ²⁶ Tämän mie kirjutin teilä niistä, ket tahotah ekšyttyä tiät. ²⁷ Jumala on voijellun tiät Pyhällä Henkellä, ta še voitelu pisyy teissä.^ Työ että tarviče kenenkänä opaššušta, šentäh kun Pyhä Henki opaštau teitä kaikešša.^ Hiän on tosi, Häneššä ei ole valehta.^ Mitä Hiän on teilä opaštan, šiinä pisykkyä.