Тексты

Вернуться к просмотру | Вернуться к списку

Piässyzien joukko

История изменений

22 января 2025 в 13:13 Нина Шибанова

• создал(а) текст
• создал(а) перевод текста
• создал(а) текст: ¹ Sit minä näin n՚elli anhelii, kudamat seizottih muan joga n՚elläs čupus da pieteltih muan n՚elliä tuuldu, gu net ei tuultas ni muale, ni merele, ni ainavoh puuh. ² Minä näin, kui vie yksi anheli nouzi päivännouzupuolespäi, häi kandoi elävän Jumalan pečattii. Häi kirgui äijäl n՚elläle anhelile, kudamile oli annettu valdu vahingoittua muadu da merdy: ³ «Älgiä luadiet vahinguo ni muale, ni merele, ni puuloile, kuni myö emmo paina pečattii meijän Jumalua palvojien oččah». ⁴ Minä kuulin pečatil merkittylöin luvun.^ Heidy oli sada n՚ellikymmen n՚elli tuhattu pečatil merkittyy Izrail՚an kaikis roduloispäi:| ⁵ Juudan heimos pečatin suadih kaksitostu tuhattu hengie, Ruviman heimos – kaksitostu tuhattu, Gadan heimos – kaksitostu tuhattu, ⁶ Ašeran heimos – kaksitostu tuhattu, Neftaliman heimos – kaksitostu tuhattu, Manassien heimos – kaksitostu tuhattu, ⁷ Simeonan heimos – kaksitostu tuhattu, Leevien heimos – kaksitostu tuhattu, Issaharan heimos – kaksitostu tuhattu, ⁸ Zebulonan heimos – kaksitostu tuhattu, Josifan heimos – kaksitostu tuhattu, Veniaminan heimos – kaksitostu tuhattu. ⁹ Jälles tädä minä näin suuren joukon rahvastu, kudamua niken ei voinnuh lugie, kaikis mualoispäi, kaikis rahvahis, rodulois da kielis.^ Hyö seizottih prestolan da Vuonan ies, heil piäl oldih valgiet sovat, a käis pal՚man oksat i| ¹⁰ hyö kirruttih korgiel iänel: – Piäzendy tulou meijän Jumalaspäi, Hänes, kudai istuu prestolal, Hänes da Vuonas! ¹¹ I kai anhelit seizottih prestolan, vahnimien da n՚ellän elävän ymbäri. Hyö langettih muah prestolan edeh da ylendettih Jumalua ¹² nämil sanoil: – Amin՚! Ylendys da taivahalline valgei, mielevys da kiitändy, kunnivo, valdu da vägi meijän Jumalale ainos dai ilmazen ijän! Amin՚. ¹³ Yksi vahnimis kyzyi minul: «Ketbo ollah nuat valgielois sovis?^ Kuspäi hyö tuldih»? ¹⁴ Minä vastain hänele: «Ižändäzeni, sinä sen tiijät». Häi sanoi minule: – Nämä ollah net, kudamat tuldih suures gor՚as läbi. Hyö pestih omat sovat da vallattih net Vuonan veres. ¹⁵ Sendäh hyö ollah Jumalan prestolan ies i sluužitah Hänele yöt dai päivät Hänen pyhäkois, a Häi, kudai istuu prestolal, levittäy heijän piäle oman stuanun. ¹⁶ Heidy enämbiä ei vaivua ni n՚älgy, ni juomanjalo, heidy ei polta päiväine, eigo muokkua räkki. ¹⁷ Vuonu, kudai on prestolan ies, paimendau heidy da vedäy heidy elaijanvezien nouzemile, a Jumal pyhkiy heijän silmis kai kyynälet.